AMOS 5:13 - Lai (Hakha) Common Language Bible 2006

¹³ Cucaah khi caan ah cun khuaruat thiammi cu dai tein an um ziar ko lai, Zeicahtiah khi caan cu caan chia a si lai.

AMOS 5:13 ပူးပေါင်းရင်းမြစ်များ

2 SIANGPAHRANG 18:36

Sihmanhsehlaw mi cu dai zirziar in an um i bia kaa khat hmanh an let lo, zeicahtiah siangpahrang nawl pekmi cu, “Let hlah u,” ti a si,

JOB 32:16

Holh awk an theih ti lo caah hin, chim loin maw ka um rih ko lai? An dir ko i an leh ti lo caah ka ngan ko lai maw?

SALM 38:14

khua a theih lo ca i an chawnh tikah zeihmanh a let kho lomi hna bantuk ka si.

PHUNGCHIMTU 3:7

Thleh caan a um, belh caan a um; dai tein um caan a um, chim caan a um;

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

ISAIAH 36:21

Siangpahrang Hezekiah nih a chimh hna bantukin mi cu dai tein an um i bia kaa khat hmanh an let lo.

ISAIAH 37:3

Hi bia hi Isaiah nan va chimh lai, a timi hna cu a si: “Nihin hi temhinnak ni a si; dantatnak kan in ni a si i hmaichia in kan um ni a si. Zei he dah kan i lawh tiah a fa a chuak dengmang cang na i chuahternak thazang a ngei lomi nu bantuk kan si.

HOSEA 4:4

Bawipa nih aa thawh i, “Zapi kha ahohmanh nih sual phaw hna in a chimh zong chimhring hna hlah seh, Zeicahtiah sual phawt ka duhmi hna cu nanmah tlangbawi hi nan si.

AMOS 6:10

A thimipa cu, a ruakvuinak a sersiamtu a rualchan nih khan, a ruak cu innchung khan a chuahpi lai. Innchung a ken bik i a ummi kha, “Khaka ah khan aho an um ti maw?” tiah a hei auh tikah, “An um ti lo,” tiah a rak leh lai i, cun aa thawh lai i, “Hna chet hlah, Bawipa min cu chim awk a si lai lo,” tiah a ti lai.

MIKAH 2:3

Cucaah Bawipa bia cu hi bangin a si: Hi mi hna cungah hin rawhralnak tlunter ka tim lio i ahohmanh an luat kho lai lo. I uangthlar ngaiin nan i chawk thluaimai kho ti lai lo, Zeicahtiah cu caan cu an caah caan chia a si lai.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

EFESA 6:13

Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

2TIMOTE 3:1

Ni hmanung bik kha an phak tikah harnak caan a si lai ti kha philh hlah.