AMOS 5:1 - Lai (Hakha) Common Language Bible 2006

¹ Maw Israel, ṭah hla kan lawhmi hi ngai tuah:

AMOS 5:1 ပူးပေါင်းရင်းမြစ်များ

JEREMIAH 18:13

Cucaah Bawipa bia cu hi bangin a si na ti lai: Miphun hna kha va hal tuah hna u, hi bantuk hi aho tal nih an thei bal maw? Ngaknu thiang Israel nih thil ṭhalo cem bik a tuah ko.

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:17

Hi bangin Ralkapbu Bawipa nih a ti: Ṭah a thiammi nu kha au hna law Thih hla lawh a thiammi nu kha cah hna;

JEREMIAH 9:20

Maw minu hna, Bawipa bia cu thei tuah u law amah kaa chung bia cu nan hna nih thei tuah hna seh; Nan fanu hna cu ṭahnak hla kha cawnpiak hna u law Mithi ṭahnak hla cu pakhat le pakhat i cawnpiak cio hna seh;

JEREMIAH 9:9

Hi thil hna ruangah hin dantat loin ka um hnga maw? Hi bantuk miphun cungah hin phuhlam loin maw ka um hnga, tiah Bawipa nih a ti.

EZEKIEL 19:1

Israel bawi hna cu ṭah hla lawh hna law hi bangin ti hna:

EZEKIEL 19:14

Amah nge chung lila khan mei a chuak i a nge vialte cu a kangh dih hna. Uktu bawi hna ca i ṭhiangṭhunh i ser awkah a ṭhawngmi nge a ngei ti lo,’ a ti,” tiah a ti. Hihi ṭah hla cu a si i zapi hmanmi ah a cang lan.

EZEKIEL 26:17

Cun khi tikah hi mithi hla hi an in lawh lai: Maw khuapi minthang, Zeitindah na rawh dih ee, zeitindah rili cungin phiah na si ee! Nangmah le na chungah a ummi vialte hna, Nan ṭhawnnak cu rili chung i aa chiahmi hna, Nan ṭihnunnak ram chung i a khahtertu hna, Zeitindah nan rawh dih kun ee!

EZEKIEL 27:2

“Mipa, Tair hi ṭahhla lawh tuah, i thawh law,

EZEKIEL 32:16

Mah hihi mithi hla a si i miphun hna nu hna nih mithi hla bantukin an sak lai. Mithi hla bantukin, Izipt le a mi hna kha an lawh hna lai. Mah hihi Bawipa Pathian bia hrimhrim a si.

EZEKIEL 32:2

A ka thawh i, “Mipa, Izipt siangpahrang Faro kha mithi hla lawh tuah law amah cu hi bangin chim: Miphun hna chiandeih tum no, na lo cang ai! Nangmah cu Nail tiva i tisartlam, A thaw a phit tik i ti a ṭhen dih i A ke in ti a let hluahmah i Tiva tete hna zong a nawiter dihtu bantuk na si, a ti,” tiah a ti.

AMOS 3:1

Nannih Israel mi hna, Bawipa, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 5:16

Cucaah hihi Bawipa, Ralkapbu Pathian bia cu an si: Lam kip ah khan ṭahnak a um lai i Khuachung tlonlennak bualrawn paohpaoh ah khan aihramnak a um lai. Lothlo kha ṭap tiah an ti hna i Ṭahhla lawh thiammi hna cu, ṭap u tiah an kawh hna lai.

AMOS 8:14

Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

MIKAH 2:4

Cu ni a phak tikah nan konglam hi mi nih rawhralnak tahchunhnak ah an hman lai i hi ngaihchiatnak hla hi an sak lai i Kan rawk cikcek cang! Bawipa nih kan ram cu a lak cang. Sal i a kan tlaitu kha a pek cang hna, an ti lai.