AMOS 3:9 - Lai (Hakha) Common Language Bible 2006

⁹ Ashdod khua chung i siangpahrang inn hna le Izipt ram chung i siangpahrang inn hna ah cun va dir law, “Samaria tlang ah cun i pum tuah u law, Khika i tuainak a ummi kha le a mi hna lakah pakhat le pakhat i hremnak a ummi kha va zoh tuah u,” ti hna.

AMOS 3:9 ပူးပေါင်းရင်းမြစ်များ

2 SAMUEL 1:20

Gath khua ah va thanh hlah u, Askelon khuachung lam zongah va chim hlah u, Filistin fanu hna kha an i lawm sual hnga i Cuarpartan lomi fanu hna kha an di a riam sual hnga.

PHUNGTHLÛKBIA 1:13

Thil man sung vialte cu kan lak dih hna lai i Kan inn cu hranchaw in kan khahter hna lai;

PHUNGTHLÛKBIA 11:16

Vel a thiammi nu cu hmaizahnak a hmu, sihmanhsehlaw ziaza a thiang lomi cu ningzahnak a si. Chawlehnak le chawhrawlnak ah na ral a chiat ahcun awkhlawh na si ko lai, na ral a ṭhat ahcun na rum ko lai.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

JEREMIAH 31:5

Samaria tlang cungah khan mitsur dum kha nan ser ṭhan hna lai i Mitsur dum in a chuakmi cu a cingtu hna nih khan an ei lai.

JEREMIAH 46:14

“Izipt ah vung thanh u law Migdol ah aupi tuah u, Memfis le Tahpanhes ah cun thanh tuah u; ‘Dir law timh cia tein um tuah, Zeicahtiah vainam nih na pawngkam cu a ei lai,’ tiah chim u.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

EZEKIEL 36:8

Sihmanhsehlaw nannih Israel tlang hna tu nih cun, ka mi hna kha inn i an tlun lai caan a nai cang caah nge thar nan la lai i ka mi Israel mi hna caah cun thei nan tlai lai.

EZEKIEL 37:22

Ram chungah le Israel tlang hna cungah miphun pakhat ah ka ser hna lai i an dihlak in siangpahrang pakhat nih a uk hna lai i pennak pahnih ah an i cheu hrimhrim ti lai lo.

HOSEA 7:1

Ka mi hna cu an van ṭhatnak kha pek ṭhan ka duh hna i Israel mi cu damter ka duh hna tikah khan, A hung langmi cu Efraim ṭhat lonak lawnglawng le Samaria chiathrutnak lawnglawng kha a si ko, Mi kha an hlen hna, thil kha fir awkah mi inn kha an baoh i lam i a kalmi kha an thil an chuh hna.

AMOS 1:8

Ashdod i a ummi vialte hna le Ashkelon a uktu bawifung aa putmi vialte kha ka hloh dih hna lai; Ekron kha ka kut ka merhnawh lai i Filistin mi a tangmi hna kha an rawk lai. Cucu Bawipa bia a si.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

AMOS 6:3

Harnak ni cu hmailei ah kan thawn khawh lai tiah nan ruah, Sihmanhsehlaw zaang-ennak tu kha khulrang in nan ratter chin.

AMOS 8:6

cun sifakmi kha ngun in caw hna u sih law retheimi kha kedan tuah khat caah tlai hna u sih, nan ti fawn. Cucaah hihi ngai tuah u:

MIKAH 6:10

“Khuapi chungah aa pummi hna ngai hmanh u. Miṭhalo mi hna inn chungah dinlonak in an lakmi ro chaw tampi an um. Tahnak deu ka huatmi kha an hman.

1 SAMUEL 5:1

Filistin mi nih Pathian kuang kha an tlaih tikah, Ebenezer in Ashdod ah an kalpi;