AMOS 3:7 - Lai (Hakha) Common Language Bible 2006

⁷ Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

AMOS 3:7 ပူးပေါင်းရင်းမြစ်များ

GENESIS 18:17

Cun Bawipa nih amah le amah cu aa thawh i, “Ka thil tuah laimi hi Abraham cu chim loin ka um kho lo.

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

2 SIANGPAHRANG 22:13

“Va kal u law hi cauk hmuhmi chungbia kong ah hin Bawipa cu, keimah ca le mi zapi ca le Judah vialte caah, va hal tuah u; zeicahtiah, kan pupa hna nih hi cauk chung i aa ṭialmi bia, kannih ca i aa ṭialmi bia vialte ning khan an rak tuah lo caah Bawipa thinhunnak kan cung i a alhmi cu a ngan ko,” tiah a ti.

2 SIANGPAHRANG 22:20

Cucaah zohhmanh, nang cu na pupa hna sinah kan pumh lai i dai tein thlankhor na phan lai, cun hi hmun cung i ṭhat lonak ka tlunter laimi hi na mit nih a hmu lai lo,’ a ti, tiah chim hna, a ka ti,” tiah a ti. Cun siangpahrang sinah cun bia cu an hei lanhpi.

2 SIANGPAHRANG 6:12

Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

ISAIAH 18:4

Bawipa nih a ka thawh i, “Rawlṭuan caan khualum ah daite in dap cu aa ser i chun laicer ah ni cu dawh ngaiin a tlan bantukin, vancung khin ka run in zoh hna lai.

JEREMIAH 23:22

Ka khuakhannak chungah an rak i tel ve a si ahcun, Ka bia kha ka mi hna sinah thanh hna seh law, Ṭhat lonak lam an zulhmi le thil ṭhalo an tuahnak khan kirter hna seh.

EZEKIEL 29:21

“Khi tikah Israel nih nge no a corh ṭhan lai i annih lak i biachim khawhnak kha ka pek ṭhan lai i cun annih nih Bawipa ka si kha an hngalh lai,” a ti.

DANIEL 11:2

Cun atu i kan chimh dingmi bia hi biatak a si,” a ti. Persia ram ah hin siangpahrang a dang pathum an hung chuak rih lai i a palinak nih cun a dang vialte kha rumnak ah tam piin a thlau hna lai; cun a ṭhawnnak kha a chawva in a vun karhter tikah Grik pennak doh awkah vawlei pumpi kha a ṭhanghter lai.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

BIAPHUAN 1:19

Cucaah cun na hmuhmi thil, atu i a um liomi thil hna le hmailei ah a um lai dingmi thil hna kha ṭial hna.

BIAPHUAN 10:7

Vancungmi pasarihnak nih a muko a tum tikah Pathian nih, a sal profet hna sinah a rak chim bang khan, a rak timh thlimi kha a tlinter lai,” a ti.

BIAPHUAN 4:1

Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.

1 SAMUEL 9:15

Cun Saul a rat hlan ni khat ah khan Bawipa nih Samuel sinah khan a rak phuan i,