AMOS 3:6 - Lai (Hakha) Common Language Bible 2006

⁶ Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

AMOS 3:6 ပူးပေါင်းရင်းမြစ်များ

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

2 SIANGPAHRANG 6:33

Cun an sin i bia a chim lengmang lioah cun, siangpahrang cu a sinah a rung i, “Hi harnak hi Bawipa sinin a si. Zeicahdah Bawipa nih zeidah a tuah lai ti cu ka ngan len ti lai?” tiah a ti.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 4:5

Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

EZEKIEL 33:3

Cu pa nih cun ral kha an rat a hmuh i ralrin peknak caah a muko kha a tum i

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

AMOS 3:5

Coktarh a um lo ahcun vawlei i chiahmi rap ah khan va cu aa foih bal maw? Rap cu zeihmanh foih loin a pelh bal maw?

ZEFANIAH 1:16

Cu ni cu kulhmi khua hna le ralhau sang pipi cung i muko thawng le raltuknak au thawng theih ni a si.

ZEKHARIAH 8:10

Zeicahtiah cu caan tiangah cun mi kha an ṭuan man an pe hna lo i saram man zong kha pek an si fawn lo, ral an um caah ahohmanh an rian ṭuan awkah khan him tein an um kho lo, keimah nih pakhat le pakhat kha ka dohter hna.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

2 KORIN 5:11

Bawipa ṭih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.