AMOS 3:12 - Lai (Hakha) Common Language Bible 2006

¹² Hihi Bawipa bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh ṭhan khawh tawn bantukin, Samaria ram chung i ihkhun dawhdawh le ṭhutdan nuamnuam cung i a ṭhumi Israel mi hna lak khan a pelpawite ceo khamh an si lai.

AMOS 3:12 ပူးပေါင်းရင်းမြစ်များ

1 SIANGPAHRANG 20:30

Cun a tang rihmi hna cu Afek khua ah an zam i a tangmi hna chungah sang hnih le thong sarih cu vampang nih a nenh hna. Benhadad zong cu a zam i khua chung i inn pakhat a dal chungchin ah a lut.

1 SIANGPAHRANG 20:34

Cun Benhadad nih amah cu a thawh i, “Ka pa nih na pa sinin a lakmi khua kha kan khirh ṭhan lai; cun ka pa nih Samaria ah a rak tuah bang khan, nang zong nih Damaskas khua ah chawdawr naa ser ve lai,” tiah a ti. Cun Ahab nih a thawh i, “Hi biakamnak thawng hin kan luatter lai,” tiah a ti. Cucaah amah he cun biakamnak a ser i a kalter.

1 SIANGPAHRANG 22:25

Cun Mikaiah nih a thawh i, “Zohhmanh, khi ni ah, innchung chungchin dal i thuh awkah na kal tikah na hngalh te lai,” tiah a ti.

2 SIANGPAHRANG 16:9

Cun Assiria siangpahrang nih a bia a rak ngaihpiak; Assiria siangpahrang nih Damaskas kha a hun kalhnawh i a lak i a mi kha Kir ah a kalpi hna i Rezin kha a thah.

ESTHER 1:6

Laa in tahmi puanzar a rangmi le puanzar aa thlaimi a dummi hna cu la hmangṭhia in le a senduk in a senmi la in lungrang tung i ngunkual ah khan an ṭem chih hna; cun lung hak le lung rang le lungvar le lung mansung in a mui an sermi ṭuang ah cun sui ṭhutdan le ngun ṭhutdan kha an chiah hna.

ESTHER 7:8

Cun siangpahrang cu siangpahrang inn dum chung khan puai tuahnak hmun ah khan a ra kir ṭhan i Haman cu Esther ṭhutnak ṭhutdan cungah khan a rak bawh ko kha a hmuh. Siangpahrang nih cun, “Keimah ka inn cia cungah, ka um hngan hrimhrim ah siangpahrang bawinu hmanh a tihram dah mu!” tiah a ti. Bia cu siangpahrang kaa chung khan an chuah cangka, Haman cu a hmai kha an khuh colh.

SALM 132:3

Cu a biakamnak cu hitihin a si: “Bawipa caah hmun pakhat ka ser khawh hlan lo, Israel Pathian Lianngan Bik caah umnak inn pakhat ka tuah khawh hlan lo, inn chung zongah ka lut lai lo i a ih zong ka it lai lo, a dinh zong kaa din lai lo i a hngilh zong kaa hngilh lai lo,” a ti.

ISAIAH 17:7

Cu ni a phak tikah annih a sertu hna Israel Pathian thiang cu bawmh an hal lai.

ISAIAH 31:4

Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an ṭhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka ṭhawl kho lai lo.

ISAIAH 8:4

Ngakchiapa nih, ka nu, ka pa, ti a thiam hlanah Damaskas chawva vialte le Samaria hranchaw vialte cu Assiria siangpahrang nih a kalpi dih hna lai,” a ka ti.

AMOS 6:4

Nannih cu vuiho in ṭamhmi nan ihkhun ah khan nan it i Nan ṭhutdan nem cungah khan nan zau, Saṭil run chung i a thaumi tuufa hna le cawfa hna kha nan ei;

AMOS 9:8

Zohhmanh, Bawipa Pathian nih hi a sualmi pennak cungah hin ka mit ka chiah i, Vawlei cung hin ka hloh lai,” tiah a ti. Asinain Jakob tefa hna cu an ci an ruang in ka hlo hna lai lo, tiah Bawipa nih a ti.