AMOS 3:11 - Lai (Hakha) Common Language Bible 2006

¹¹ Cucaah Bawipa nih hitihin a ti: Ral nih ram cu an kulh lai i nan ralhau hna cu an bauh dih hna lai, Cun nan inn ṭhaṭha hna cu an hrawh dih hna lai.

AMOS 3:11 ပူးပေါင်းရင်းမြစ်များ

GENESIS 34:27

An farnu a thang an chiat caah cun Jakob fapa a dang nih khan a ngan a fakmi cu an tuk hna i khua chung i thil sunglawi deuh paohpaoh kha an lak dih.

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 CHANRELNAK 36:19

Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna.

JOB 20:21

A ei dih hna ah cun a tangmi zeihmanh a um ti lo, Cucaah a rumnak nih cun sau a nguh lai lo.

AMOS 2:5

Cucaah Judah cungah mei ka thlah lai i Cu mei nih cun Jerusalem ralhruang vialte kha a kangh dih hna lai.

AMOS 3:10

An ralhruang chungah zaang-ennak le firnak in thil tampi a khong luaimaimi hna nih hin, dinnak kha zei a si tiah an hngal lo, tiah Bawipa hrimhrim nih a ti.

AMOS 3:15

Khualum caan ca inn le khuasik caan ca inn kha ka hrawh veve hna lai; Vuiho inn kha an rawk lai i inn ngan pipi kha an cim dih lai. tiah Bawipa nih a ti.

AMOS 6:14

Maw Israel, nangmah doh awkah miphun pakhat ka chuahter lio i Annih nih nan ram cu Lebo-hamath in Arabah horkuang tiang an hrawh dih lai. Hihi Bawipa, Ralkapbu Pathian bia hrimhrim a si.

AMOS 6:8

Bawipa Pathian hrimhrim nih chiatser in hi bangin a ti: Jakob a ruamkainak cu ka fih, a ralhruang hna cu ka fih hna; Khuapi cu a chung i a ummi vialte hna he ral kut chungah ka chanh lai.