AMOS 2:8 - Lai (Hakha) Common Language Bible 2006

⁸ Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

AMOS 2:8 ပူးပေါင်းရင်းမြစ်များ

EXODUS 22:25

“Nan lakah khua a sami misifak ka mi hna kha ahohmanh tangka nan cawih hna tikah tangka cawihtu nih an tuah tawn bantukin a karh nan la hna lai lo.

ISAIAH 57:7

Tlang sang cungah khan nan kai i raithawinak nan va tuah i nan va sual.

EZEKIEL 18:12

midang nupi sinah a sualmi, vanchiami le sifakmi kha a hrem i miramh a hmangmi, leibatu nih biakamnak ca i thil an pekmi a khirh lomi, siasal kha a zohcho i fihnung phung kha a tuah vemi,

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

EZEKIEL 23:41

a ṭha ngaingaimi ihkhun cungah khan na ṭhu i an hmaiah cun cabuai kha an hun i cu cabuai cungah cun keimah zihmui le chiti kha an chiah hna.

HOSEA 4:8

Ka mi hna an sualnak kha rumnak ah nan hman i sual chin lengmang hna seh ti nan duh.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 6:4

Nannih cu vuiho in ṭamhmi nan ihkhun ah khan nan it i Nan ṭhutdan nem cungah khan nan zau, Saṭil run chung i a thaumi tuufa hna le cawfa hna kha nan ei;

AMOS 6:6

A kheng ning pipi in mitsur hang kha nan din i Chiti ṭha bikbik khan nan i cenh; Sihmanhsehlaw Josef nih rawhralnak a in ni ah khan nan ngaih a chia lo.

1 KORIN 10:21

Bawipa hrai le khuachia hrai cu nan din kep kho hna lai lo; Bawipa cabuai le khuachia cabuai zong nan hman kep kho hna lai lo.

1 KORIN 10:7

an lak i a cheu nih siasal an rak biak bangin biak ve lo awkah ralrin a kan petu ding an si. Cathiang nih a ti bantukin, “Cu mi hna cu ei awk le din awkah an ṭhu i laam awkah an tho.”

1 KORIN 8:10

A biana ah, mipa pakhat, a chiaṭha thleidannak a dermipa nih, siasal biaknak inn i nannih “hngalhnak a ngeimi hna” rawl nan ei cu an hmuh hna; cu nih cun bawlnak sa cu ei awk a si ko tiah a forh lai lo maw?

BIACEIHTU 9:27

Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.