AMOS 2:5 - Lai (Hakha) Common Language Bible 2006

⁵ Cucaah Judah cungah mei ka thlah lai i Cu mei nih cun Jerusalem ralhruang vialte kha a kangh dih hna lai.

AMOS 2:5 ပူးပေါင်းရင်းမြစ်များ

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

JEREMIAH 21:10

Hi khua hi ka hmai ka thuhtak cang, an cung i ṭhatnak tuahnak ding caah si loin chiatnak tuahnak ding caah a si lai. Babilon siangpahrang sinah khan pek a si lai i mei in a khangh lai, tiah Bawipa nih a ti,” tiah a ti.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

AMOS 1:4

Cucaah Hazael inn chungah cun mei ka thlah lai i Cu mei nih cun Benhadad inn ṭhaṭha vialte cu a kangh dih hna lai.

AMOS 3:11

Cucaah Bawipa nih hitihin a ti: Ral nih ram cu an kulh lai i nan ralhau hna cu an bauh dih hna lai, Cun nan inn ṭhaṭha hna cu an hrawh dih hna lai.

AMOS 3:15

Khualum caan ca inn le khuasik caan ca inn kha ka hrawh veve hna lai; Vuiho inn kha an rawk lai i inn ngan pipi kha an cim dih lai. tiah Bawipa nih a ti.

AMOS 7:4

Bawipa Pathian nih a ka hmuhsak ṭhanmi cu mah hihi a si: Bawipa Pathian nih a thukmi rili le sermi thil vialte kha khangh dih awkah mei kha a auh.