AMOS 2:11 - Lai (Hakha) Common Language Bible 2006

¹¹ Nan fapa hna lakin profet ka chuahter hna i Nan tlangval hna lakin Nazir mi ka chuahter hna. Nannih Israel mi hna, cuticun a si taktak ko lo maw? tiah Bawipa nih a ti.

AMOS 2:11 ပူးပေါင်းရင်းမြစ်များ

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 20:35

Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.

1 SIANGPAHRANG 20:41

Cu tikah khulrang in a mit mennak puanchia cu a phoih i Israel siangpahrang nih profet hna lak i pakhat a si kha a hngalh.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

2 SIANGPAHRANG 17:13

Sihmanhsehlaw Bawipa nih Israel le Judah cu profet kip le hmutu kip in ralrinnak a pek ṭhiamṭhiam hna i, “A ṭha lomi nan lam hi mertak hna u law, nan pupa hna sinah ka rak pekmi phungbia vialte ning khan le ka sal profet hna sinin nan sinah kan pek hna ning hin, ka phungbia le ka nawlbia cu zul hna u,” tiah a ti.

2 SIANGPAHRANG 6:1

Profet fapa hna nih khan Elisha cu an thawh i, “Zohhmanh, na kan hruinak tang i kan umnak hmun hi kan caah a hme tuk.

2 CHANRELNAK 36:15

Bawipa, an pupa hna Pathian nih khan a mi hna le a umnak hmun cungah khan zaangfahnak a ngeih caah lamkaltu kha ngol duh lo tein a thlahhnawh lengmang hna;

JEREMIAH 11:21

Cucaah ka nunnak kha lak a zal i, ‘Bawipa min in bia chim ti hlah, na chim ahcun kan in thah lai,’ a timi Anathoth khuami hna kong ah khan,

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 2:5

Bawipa nih hi bangin a ti: “Nan pupa hna nih zei palhnak dah ka cungah an hmuh i Ka sinin lamhlatpi ah an kal i pakpalawng kha an zulh i pakpalawng ah an can?

JEREMIAH 26:11

Cun tlangbawi hna le profet hna nih cun bawi hna le mi vialte cu an thawh hna i, “Hi pa hi thih awk a tlak. Hi khua kha rawk seh, tiah a chim: nan hna in nan theih cio,” an ti.

JEREMIAH 7:25

Nan pupa hna nih Izipt ram in an chuah ni in nihin ni tiang, ka sal profet vialte hna kha ngol lo tein ni khat hnu ni khat an sinah ka thlah hna;

ṬAHNAK HLA 4:7

Bawi luchin chinhmi a bawile hna cu hawhra nakin an rak thiang deuh i cawhnuk nakin an ngo deuh; An pum cu koral lungvar nakin an sen tertar deuh i An kutka hna cu lapis lazuli lungvar bantukin an tleu.

MIKAH 2:6

Mizapi nih an i thawh i, “Phung kan chim len hlah; cu bantuk kong hoi hna cu kan chim len hlah. Pathian nih cun ningzahnak ah a kan phakter lai lo.

LAMKALTU 4:18

Cucaah inn chungah khan an kawh ṭhan hna i, thil umtuning zei bantuk a si hmanh ah, Jesuh min in ahohmanh nan cawnpiak hrimhrim hna lai lo i aho sin hmanh ah bia zong nan chim hrimhrim lai lo, tiah an ti hna.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

1 SAMUEL 3:20

Cun Israel mi vialte nih, Dan in Beersheba tiang, Samuel cu Bawipa profet ah fehter a si ti kha an hngalh dih.