AMOS 2:10 - Lai (Hakha) Common Language Bible 2006

¹⁰ Amor mi hna ram co awkah Izipt ram in an chuahpitu hna kha keimah ka si i Ram car chungah kum sawm li an hruaitu hna kha keimah ka si.

AMOS 2:10 ပူးပေါင်းရင်းမြစ်များ

NEHEMIAH 9:21

Kum sawm li ramlak ah na cawm hna i zeihmanh an bau lo; an thilpuan kha a ṭet lo i an ke kha a phing lo.

SALM 95:10

Kum sawm li chung awlok an ka chonh i, “Annih cu ka nawlbia a ngai duh lo i ka cungah zumhawktlak in a um duh lomi an si,’ ka ti.

EXODUS 12:51

Cu ni hrimhrim ah cun Bawipa nih Israel mi hna cu an bu an bu cio in Izipt ram khan a chuahpi hna.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

EZEKIEL 20:10

Izipt ram chung cun ka chuahpi hna i ramlak ah khan ka kalpi hna.

AMOS 3:1

Nannih Israel mi hna, Bawipa, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

AMOS 9:7

Israel mi hna, nannih cu ka caah Kush mi bantuk nan si lo maw? Israel mi cu Izipt ram in, Filistin mi cu Kaftor ram in, Aramean mi hna cu Kir ram in ka hunpi hna lo maw?

MIKAH 6:4

Izipt ram in kan chuahpi hna, sal cannak ram in kan tlanh hna; Nanmah hruai awkah Moses le Aaron le Miriam kha ka thlah hna.

NAMBAR 13:32

Cuticun an hung ngiatthlaimi ram kong cu a ṭhalo lei in Israel mi hna sinah an chim i, “Ngiatthlai awkah kan hung ṭolmi ram cu a chung i a ummi hna a eitu a si; cun cu ram chung i kan hmuhmi hna cu mi ngan pipi an si.

NAMBAR 21:25

Cun Israel nih mah hi khua vialte hna kha an lak i Amor mi khua vialte ah Israel cu an um, Heshbon le a khuate vialte hna ah cun an um.

NAMBAR 32:13

Cun Bawipa thinhunnak cu Israel cungah a alh i ramlak ah khan kum sawm li a vaihter hna, Bawipa hmai i ṭhat lonak a tuahmi chan an thih dih hlantiang.

LAMKALTU 13:18

kum sawm li chung thetse ram ah khan a in hna.

LAMKALTU 7:42

Sihmanhsehlaw annih cu Pathian nih a mertak hna i profet hna cauk chungah aa ṭial bang khan vancung arfi kha a biakter hna. Cu cauk chungah cun: ‘Israel mi hna, thetse ram chungah kum sawm li sa nan thah i raithawinak nan tuahmi kha keimah biaknak caah a si lo.

DEUTERONOMI 1:39

Cuhleiah nan ngakchia, hranchaw ah an cang lai nan timi hna le, atu ah chia le ṭha a hngal lomi nan fale hna cu, khika ah an lut lai i annih cu ka pek hna lai i annih nih an co lai.

DEUTERONOMI 2:7

Zeitintiah Bawipa nan Pathian nih nan kut rianṭuannak vialte ah thluachuah an pek hna; hi ramlak kaupi chung i nan kalnak hi a hngalh ko; hi kum sawm li chung hi Bawipa nan Pathian cu nan sinah a um i zeihmanh nan bau lo,’ tiah a ka ti.

JOSHUA 13:4

cun thlanglei ah Avvim mi hna ram zong, Kanaan mi hna ram vialte le Sidon mi ta a simi Mearah, Amor mi hna ramri Afek tiang le,

JOSHUA 24:8

Cun Jordan khattelei kamah a ummi Amor mi hna ram ah khan kan hruai hna; nannih kha an in doh hna i annih cu nan kut chungah kan pek hna i, an ram cu nan lak i annih cu nan hmaiah ka hrawh hna.