AMOS 1:9 - Lai (Hakha) Common Language Bible 2006

⁹ Hihi Bawipa bia an si: Tair nih ṭhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

AMOS 1:9 ပူးပေါင်းရင်းမြစ်များ

2 SAMUEL 5:11

Cun Tair siangpahrang Hiram nih David kha lamkaltu le sidar thing le zungthiammi hna le lungremhthiam hna zong kha a kuat i David kha inn pakhat an sakpiak.

SALM 83:7

Gebal mi, Ammon mi, Amalek mi, Filistia mi le Tair mi an si;

JEREMIAH 25:22

Tair le Sidon siangpahrang vialte hna; Mediterranean rili ram i siangpahrang vialte hna;

JEREMIAH 47:4

Zeicahtiah Filistin mi vialte hna hrawhnak ni cu a phan cang i Khuavengtu ralkap an dih cikcek tiangin Tair le Sidon cu hrawh an si lai. Kaftor tikulh in a rami Filistin mi hna cu Bawipa nih a hrawh hna lai.

EZEKIEL 27:1

Bawipa nih ka sinah a chimmi bia cu hihi a si. A ka thawh i,

EZEKIEL 27:27

Na chawva vialte, na lungthuhreng chaw vialte, na cawkmi thil vialte, Na lawng cawng hna le a mawngtu hna, na lawng remhtu hna le na chawdawr hna le na ralkap hna le na lawng chung i a ummi bu vialte hna, Nangmah sin i a ummi paohpaoh cu an dihlak in na vanchiat ni ah rili chungah thlak an si dih;

EZEKIEL 28:1

Mah hihi Bawipa nih ka sinah a chimmi bia an si. A ka thawh i,

EZEKIEL 28:18

Chawlehnak ṭhalo na tuahnak ah khan na sualnak cu a ngan tuk caah Na hmunthiang kha na thurhhnawmh hna. Cucaah na chungah mei kha ka kau i an kangh. Mi vialte hmuh awk caah vawlei ah cun vutcam bangin kan kaltak.

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

AMOS 1:6

Hihi Bawipa bia an si: Gaza nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo; Annih nih saltangmi kha an bu ning piin an kalpi hna i Edom ah khan an chiah hna.

OBADIAH 1:11

Ral nih an kutka kha an bauh hna i an chawva vialte kha an lak i Jerusalem khua kha camcawhfung khiah in an i cheuh ni ah khan, Nang cu na dir sawhsawh ko i annih he khan lungkhat in na um.

ZEKHARIAH 9:1

Hihi Bawipa bia a si. Hadrak ram le Damaskas khua dantatnak caah Bawipa chimmi bia a si. Israel mi lawng si loin Siria khuapi bik Damaskas zong Bawipa ta a si,

MATTHAI 11:21

“Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

MATTHAI 11:22

Cucaah hihi philh hlah u, Biaceih Ni ah cun Pathian nih Tair le Sidon khuami hna cu nanmah nakin a zaangfah deuh hna lai.

LUKA 10:13

“Maw Khorazin khua, na caah zeitluk ṭihnung dah a si? Bethsaida zong, na caah zeitluk ṭihnung dah a si ve? Na chung i ka tuahmi khuaruahharnak hna hi Tair le Sidon khua ah khan rak tuah hna ning law khika i a ummi minung hna cu, an nunning an i thlen langhternak caah puanchia aih in le vutcam i phulh in an ṭhu diam cang hnga!

LUKA 10:14

Biaceih Ni ah cun nanmah nakin Tair le Sidon kha Pathian nih a zaangfah deuh te hna lai.