AMOS 1:8 - Lai (Hakha) Common Language Bible 2006

⁸ Ashdod i a ummi vialte hna le Ashkelon a uktu bawifung aa putmi vialte kha ka hloh dih hna lai; Ekron kha ka kut ka merhnawh lai i Filistin mi a tangmi hna kha an rawk lai. Cucu Bawipa bia a si.

AMOS 1:8 ပူးပေါင်းရင်းမြစ်များ

2 CHANRELNAK 26:6

A chuak i Filistin mi kha a doh hna i Gath kulhnak vampang le Jabneh kulhnak vampang le Ashdod kulhnak vampang kha a chimh dih hna; cun Ashdod ram chung le Filistin mi hna lak hmun dang ah khan khua a ser hna.

SALM 81:14

Nan ral kha khulrang tein kan teipiak ko hna hnga.

ISAIAH 1:25

Atu cu kan tongh cang hna lai. Ngun an thianh bantukin kan thianh hna lai i nan thurhnawmhnak vialte kha ka thianh dih lai.

ISAIAH 20:1

Assiria siangpahrang Sargon nih a fial bantukin, Assiria ralkap uktu bawi a ngan bik nih Filistin mi khua Ashdod kha a tuk.

JEREMIAH 47:1

Faro nih Gaza a tuk hlanah, Filistin mi hna kong ah Bawipa bia profet Jeremiah sinah a phanmi cu hihi a si:

EZEKIEL 25:16

Filistin mi hna cungah ka kut ka samh lai, tiah Bawipa nih a ti; Kereth mi cu ka hloh hna lai i rili kam i a ummi a dang vialte cu ka hrawh hna lai.

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

AMOS 1:7

Cucaah Gaza kulhnak vampang cungah khan mei ka thlah lai i Cu mei nih cun a ralhruang vialte kha a kangh dih hna lai.

AMOS 3:9

Ashdod khua chung i siangpahrang inn hna le Izipt ram chung i siangpahrang inn hna ah cun va dir law, “Samaria tlang ah cun i pum tuah u law, Khika i tuainak a ummi kha le a mi hna lakah pakhat le pakhat i hremnak a ummi kha va zoh tuah u,” ti hna.

OBADIAH 1:18

Khi tikah Jakob innchungkhar hna cu mei an si lai i Josef chungkhar hna cu meizik an si lai; Esau chungkhar tu cu favai an si lai; Esau mi hna cu mei nih facang hmui a kangh bangin an kangh hna lai i Esau tefa cu a nungmi an um lai lo,” tiah Bawipa nih a ti.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

ZEKHARIAH 9:5

Ashkelon nih hmu seh law ṭih seh; Gaza cu a thinphan tuk ah a ngerh in i ngerh seh; Ekron nih aa ruahchannak cu a mit lai. Gaza in siangpahrang hna kha an lo lai i Ashkelon cu mi an ṭhing lai.

ZEKHARIAH 9:6

Ashdod ah cun kahpia pawl an um lai i Filistin porhlawtnak cu ka phawi lai.

1 SAMUEL 6:17

Mah hihi an bonak he aa lo in sui in sermi, Filistin mi hna nih Bawipa sin i phungbuar thawinak caah an kuatmi cu an si: Ashdod caah pakhat, Gaza caah pakhat, Ashkelon caah pakhat, Gath caah pakhat, Ekron caah pakhat;