AMOS 1:6 - Lai (Hakha) Common Language Bible 2006

⁶ Hihi Bawipa bia an si: Gaza nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo; Annih nih saltangmi kha an bu ning piin an kalpi hna i Edom ah khan an chiah hna.

AMOS 1:6 ပူးပေါင်းရင်းမြစ်များ

2 CHANRELNAK 28:18

Cun Filistin mi hna nih Judah ram chung chimram le Negeb i a ummi khua hna kha an hranh hna i Beth-shemesh, Aijalon, Gederoth, Soko le a khuate hna, Timnah le a khuate hna, Gimzo le a khuate hna kha an lak hna i khika ah cun an um colh.

JEREMIAH 47:1

Faro nih Gaza a tuk hlanah, Filistin mi hna kong ah Bawipa bia profet Jeremiah sinah a phanmi cu hihi a si:

EZEKIEL 35:5

Israel mi cu na lungchung tein na huat zungzal hna caah, Rawhralnak an ton ni ah le a hmanung bik dantatnak an hmuh ni ah Annih cu vainam sinah na pek hna.

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

JOEL 3:6

Judah ram mi le Jerusalem khuami kha anmah ram in a hlatnak ah nan kalpi hna i Grik mi sinah nan zuarh hna.

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

AMOS 1:3

Hihi Bawipa bia an si. Damaskas nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih Gilead kha thir ha bunhmi facang cilnak thingtum in an cil.

AMOS 1:7

Cucaah Gaza kulhnak vampang cungah khan mei ka thlah lai i Cu mei nih cun a ralhruang vialte kha a kangh dih hna lai.

AMOS 1:9

Hihi Bawipa bia an si: Tair nih ṭhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

OBADIAH 1:11

Ral nih an kutka kha an bauh hna i an chawva vialte kha an lak i Jerusalem khua kha camcawhfung khiah in an i cheuh ni ah khan, Nang cu na dir sawhsawh ko i annih he khan lungkhat in na um.

ZEKHARIAH 9:5

Ashkelon nih hmu seh law ṭih seh; Gaza cu a thinphan tuk ah a ngerh in i ngerh seh; Ekron nih aa ruahchannak cu a mit lai. Gaza in siangpahrang hna kha an lo lai i Ashkelon cu mi an ṭhing lai.

LAMKALTU 8:26

Bawipa vancungmi pakhat nih Filip cu a thawh i, “I tim law thlanglei ah vung kal law Jerusalem in Gaza ah a kalmi lam ah khan vung kal tuah,” a ti (Cu lam cu an hmang ti lo).

1 SAMUEL 6:17

Mah hihi an bonak he aa lo in sui in sermi, Filistin mi hna nih Bawipa sin i phungbuar thawinak caah an kuatmi cu an si: Ashdod caah pakhat, Gaza caah pakhat, Ashkelon caah pakhat, Gath caah pakhat, Ekron caah pakhat;