AMOS 1:4 - Lai (Hakha) Common Language Bible 2006

⁴ Cucaah Hazael inn chungah cun mei ka thlah lai i Cu mei nih cun Benhadad inn ṭhaṭha vialte cu a kangh dih hna lai.

AMOS 1:4 ပူးပေါင်းရင်းမြစ်များ

1 SIANGPAHRANG 19:15

Cun Bawipa nih a thawh i, “Va kir law Damaskas ramlak leiah khan va kal tuah; cuka na phak tikah Hazael cu Siria siangpahrang si awkah chiti na thuh lai;

2 SIANGPAHRANG 13:25

Cun Jehoahaz fapa Jehoash nih khan Hazael fapa Benhadad sin khan, a pa Jehoahaz sinin Hazael nih ral lio i a rak lakmi khua kha a lak ṭhan hna. Jehoash nih amah cu voi thum a tei i Israel khua kha a lak ṭhan hna.

2 SIANGPAHRANG 13:3

Cun Bawipa thinhunnak cu Israel cungah a alh i Siria siangpahrang Hazael le Hazael fapa Benhadad hna kut chungah khan annih cu a pek lengmang hna.

2 SIANGPAHRANG 6:24

Cu hnuah cun, Siria siangpahrang Benhadad nih a ralkap vialte cu a pumh hna i a hung kal i Samaria kha an dum.

2 CHANRELNAK 16:2

Cun Asa nih Bawipa inn chung le siangpahrang inn chung i a ummi ro chung khan ngun le sui kha a lak hna i Siria siangpahrang Benhadad, Damaskas i a ummi kha a kuat i,

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

JEREMIAH 49:27

Cun Damaskas kulhnak vampang cu mei in ka duah lai i Benhadad siangpahrang inn hna cu a kangh dih hna lai.

EZEKIEL 30:8

Izipt cu mei in ka khangh i a bawmtu vialte hna cu an kiah dih tikah, keimah cu Bawipa Pathian ka si kha an hngalh lai.

EZEKIEL 39:6

Mah hihi Bawipa Pathian bia hrimhrim a si: Magog ram le ahohmanh nih hnahnawh lo tein rilikam ram le tikulh ah khua a sami hna cungah khan mei ka tlunter lai i mi kip nih Bawipa ka si kha an hngalh lai.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

AMOS 1:10

Cucaah Tair kulhnak vampang cungah khan mei ka thlah lai i Cu mei nih cun a ralhruang vialte cu a kangh dih hna lai.

AMOS 1:12

Cucaah Teman cungah mei ka thlah lai i Cu mei nih cun Bozrah ralhruang vialte kha a kangh dih hna lai.

AMOS 1:14

Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

AMOS 1:7

Cucaah Gaza kulhnak vampang cungah khan mei ka thlah lai i Cu mei nih cun a ralhruang vialte kha a kangh dih hna lai.

AMOS 2:2

Cucaah Moab cungah mei ka thlah lai i An khua hna chung i Kerioth ralhruang kha, cu mei nih cun a kangh dih hna lai. Aukhuannak thawng lakah cun Moab cu a thi lai i A thihnak cu raltuknak aunak thawng le muko aw thawng lakah cun a si lai.

AMOS 2:5

Cucaah Judah cungah mei ka thlah lai i Cu mei nih cun Jerusalem ralhruang vialte kha a kangh dih hna lai.

BIACEIHTU 9:57

cun Shekhem khuami hna an ṭhat lonak zong kha Pathian nih anmah lu cung lila ah a tlakter i Jerubbaal fapa Jotham chiatserhnak kha an cungah a tlung.