AMOS 1:2 - Lai (Hakha) Common Language Bible 2006

² Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

AMOS 1:2 ပူးပေါင်းရင်းမြစ်များ

SALM 29:4

Bawipa aw cu a than khawh chung le a ṭhawn khawh chungin a thang!

SALM 46:6

Miphun cu a ther in an ther, pennak ram cu an i hnin, Pathian aw cu a thang i vawlei cu ti ah a cang dih.

PHUNGTHLÛKBIA 20:2

A thin a hungmi siangpahrang cu a ngur hluahmahmi chiandeih bantukin ṭih tuah, amah a thin hunter cu mah le mah i thah a si ko;

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 25:30

“Ka chimmi bia vialte cu na thanh hna lai i ‘Bawipa cu cung sangpi khin a rung au lai, A umnak hmunthiang khin khuarit in a rung ri lai. Amah tuurun chungah khan fak piin a huk lai i Mitsur thei a nengtu hna an au thawng bantukin vawleicung mi vialte cungah khan a au lai.

JEREMIAH 28:8

Nangmah le keimah um hlanah, hlan liopi ah a ummi profet hna nih ram tampi cungah le pennak nganngan cungah ral le mangṭam le rai a tlun lainak kha an rak chim tawn.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

HOSEA 13:8

A fa chuhmi vompi bantukin nannih cu kan zuanhnawh hna lai i kan thleh kan baoh dih hna lai. Chiandeih bantukin a hmunte ah khan kan ei dih hna lai i, Sahrang bantukin kan thleh cikcek hna lai.

JOEL 1:19

Maw Bawipa, ka auhmi cu nangmah na si; Zeicahtiah mei nih phong cu a kangh dih i Ramlak thingkung vialte cu meizik nih a hrem dih hna.

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

JOEL 3:16

Bawipa cu Zion tlang cungin a rung huk i Jerusalem in khuarit in a rung ri. Van le vawlei cu an i hnin dih, Sihmanhsehlaw Bawipa cu a mi hna caah cun himnak a si i Israel mi caah cun ralhruang a si.

AMOS 9:3

Karmel tlangpar zongah i thup hna hmanh seh law Khika zongah cun ka kawl hna lai i ka char hna lai; Rili a thuhnak hmun ka mit hmuh lonak zongah i thup hna hmanh seh law Khika zongah cun rili chung rulpi kha seh hna tiah ka fial lai.

NAHUM 1:4

Rili kha a sik i a carter dih, tiva vialte kha a kaoter dih hna. Bashan le Karmel cu an uai i Lebanon i thing corh no hna cu an car.

1 SAMUEL 25:2

Cun Maon ah khan mipa pakhat a um i a rian ṭuannak cu Karmel ah a si. Cu pa cu a rum ngaingai; tuu thong thum le meheh thong khat a ngei Amah cu Karmel ah khan a tuu hmul a met hna.