AMOS 1:12 - Lai (Hakha) Common Language Bible 2006

¹² Cucaah Teman cungah mei ka thlah lai i Cu mei nih cun Bozrah ralhruang vialte kha a kangh dih hna lai.

AMOS 1:12 ပူးပေါင်းရင်းမြစ်များ

GENESIS 36:11

Elifaz fapa hna cu: Teman, Omar, Zefo, Gatam le Kenaz an si.

GENESIS 36:33

Bela a thih tikah Bozrah khuami Zerah fapa Jobab nih khan a hun chaan.

1 CHANRELNAK 1:44

Bela a thih tikah, Bozrah khuami Zerah i a fapa Jobab cu amah hmun ah khan a hung bawi.

ISAIAH 34:5

Van ah khin Bawipa nih a nam cu a timh cang i hrawh awkah a ruah cangmi Edom kha atu cu a tuk lai.

ISAIAH 34:6

A nam ah cun an thi le an thau kha tlor zelzul in an i neh lai, raithawinak ah an hmanmi tuufa hna thi le thau bantuk le meheh thi le thau bantuk kha an si lai. Bawipa nih hi raithawinak cu Bozrah khua ah khan a tuah lai; hi bantukin a nganmi thahnak cu Edom ram ah khan a tuah lai.

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

JEREMIAH 49:13

Bozrah khua cu tuksapur le ṭiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah Bawipa nih a ti.

JEREMIAH 49:20

Cucaah Edom cungah Bawipa nih khua a khan mi le Teman khuami hna cung i aa tinhmi hi thei tuah hna u: Tuurun chung i a no tete hna cu kalpi an si lai i an tlonnak hmun cu an cung i thil a tlungmi ruangah cun khuaruahhar in a um lai.

JEREMIAH 49:22

A thla aa samh riangmang i van sangpi khin a vun namtu muvanlai bantukin Bozrah cu a ral nih a nam lai. Khi ni ah Edom ralkap hna cu nau nganfah a ing liomi nu bantukin an thin a phang lai.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

EZEKIEL 25:13

cucaah Edom cungah cun ka kut ka samh lai i a chung i a ummi minung si hna seh, saram si hna seh, ka hrawh hna lai, tiah Bawipa nih a ti; cu ram cu Teman in Dedan tiang ka hrawh cikcek lai i vainam in thah an si lai.

OBADIAH 1:1

Obadiah nih a chimmi bia: Mah hihi Bawipa Pathian nih Edom kong ah a chimmi bia a si. Bawipa nih miphun hna sinah lamkal a thlah i, “I hlau tuah u; Edom doh awkah i hlau tuah u sih,” tiah lamkaltu nih cun a ti tikah, Hi bia hi Bawipa sin khan ka theih.

HABAKKUK 3:3

Pathian cu Teman in a ra, Mi Thiang cu Paran Tlang in a ra; A ceunak kha van a khat i a sunparnak cu vawlei kha a khat.