AMOS 1:1 - Lai (Hakha) Common Language Bible 2006

¹ Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si.

AMOS 1:1 ပူးပေါင်းရင်းမြစ်များ

2 SAMUEL 14:2

Cun Joab nih cun Tekoa ah mi a hei thlah hna i khika in a fimmi nu pakhat an va lak i amah cu, “Mithi ngai bantukin naa umter lai i mithi ngaihnak hnipuan kha naa hruk lai; sathau i thuh hlah; sihmanhsehlaw mithi ni tampi a ngai cangmi bantukin na um lai;

1 SIANGPAHRANG 19:19

Cucaah khika khan a kal i Shafat fapa Elisha kha a hmai i cawtum tuah hleihnih he lei a rak thuan kha a hmuh, amah cu a tuah hleihnihnak sinah cun a rak um. Elijah cu a pawngin a lan i a puan khan a hei cheh.

2 SIANGPAHRANG 14:21

Cun Judah mi vialte nih kum hleiruk a timi Azariah kha an lak i a pa Amaziah hmun ah khan siangpahrang ah an ser.

2 SIANGPAHRANG 14:23

Judah siangpahrang Joash i a fapa Amaziah a bawi kum hleinganak ah, Israel siangpahrang Jehoash i fapa Jeroboam cu Samaria khua ah bawi hram a thawk i kum sawm li le kum khat a pen hna.

2 CHANRELNAK 11:6

Bethlehem, Etam, Tekoa,

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

ISAIAH 1:1

Amoz fapa Isaiah sinah Pathian nih Judah le Jerusalem kongah Judah siangpahrang Uzziah, Jotham, Ahaz le Hezekiah hna chan i a hmuhmi langhnak hna.

JEREMIAH 1:1

Jeremiah bia, amah cu Benjamin ram chung Anathoth khua i a ummi tlangbawi hna chung mi Hilkiah fapa a si;

JEREMIAH 28:8

Nangmah le keimah um hlanah, hlan liopi ah a ummi profet hna nih ram tampi cungah le pennak nganngan cungah ral le mangṭam le rai a tlun lainak kha an rak chim tawn.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

JEREMIAH 7:27

Hi bia hi na chimh hna tikah an in ngai lai lo. Na auh hna zongah an in let lai lo.

HOSEA 1:1

Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami:

AMOS 7:14

Cun Amos nih cun Amaziah cu a leh i, “Kei cu profet ka si lo, profet fa zong ka si lo; saṭil khal le saikamor thing thei a cingmi ka si.

MIKAH 1:1

Mah hihi Judah siangpahrang Jotham, Ahaz le Hezekiah bawi lio i Moresheth khuami Mikah sinah Bawipa bia a phanmi cu a si; cu bia cu langhnak in Samaria le Jerusalem kong ah a hmuhmi a si.

ZEKHARIAH 14:5

Tlang hna karlak i nelrawn cu phih a si lai, zeicahtiah an karlak i horkuang thar cu Azal tiang a phan lai. Judah siangpahrang Uzziah chan ah lihnin nih a rak phih bantuk khan phih a si lai i Bawipa ka Pathian cu a mithiang vialte hna he khan an lang lai.

MATTHAI 4:18

Jesuh cu Galilee Rili kam i aa chawh lengmang lioah khan ngatlaitu unau a hmuh hna i cu hna cu Simon (Peter timi kha) le a nau Andru kha an si; rili chungah cun sur in nga an rak chep len ko;

1 KORIN 1:27

Vawlei nih zeihmanh ah a rel lomi thil Pathian nih a thim thengnak cu, mifim mi kha an ningzak seh tinak caah a si i vawlei nih a der tiah a timi thil a thim thengnak cu miṭhawng mi le thil ti khomi hna kha an ningzak seh ti caah a si.