3 JOHAN 1:8 - Lai (Hakha) Common Language Bible 2006

⁸ Cucaah biatak rian kha a ṭuanpitu kan si nakhnga, kannih Khrihfami nih hi hna cu kan bawmh awk an si.

Laibaibal Thiang (BSI)

⁸ Cucaah cubantuk mi hna cu biatak i rian kan ṭuanpi hawi an si khawh nâkhnga kan cohlân awk an si.

3 JOHAN 1:8 ပူးပေါင်းရင်းမြစ်များ

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?

MATTHAI 10:14

Cun innchungkhar pakhatkhat nih siseh, khua pakhatkhat nih siseh, an in tlunter duh hna lo ahcun, cuka hmun cu va kaltak u law nan ke i aa behmi leidip kha va thing u.

MATTHAI 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

LUKA 11:7

Cun a hawipa nih cun a inn chung cun, ‘Hna ka hnawh hlah, innka ka hrenh cang i ka fale he kan it cang, nangmah thil pek awkah ka tho kho ti lo,’ a ti.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

2 KORIN 8:23

Titas hi nanmah bawmhnak rian i kan rian ṭuan hawi a si; amah sin i a rami kan unau hna hi khrihfabu aiawh an si i Khrih thangṭhattu an si.

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

KOLOSE 4:11

Justas ti zongah timi Joshua zong nih nan kut an tlaih hna. Anmah pathum lawnglawng hi Judah mi Khrihfa i a cangmi keimah sin i Pathian Pennak rian a ṭuanmi an si; ka caah bawmtu ṭhahnem ngaingai an si.

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

FILEMON 1:2

na inn ah aa pum tawnmi Khrihfabu le kan far le kan ralkap hawi Arkhipas kha ca kan in kuat hna.

FILEMON 1:24

Cun ka rianṭuan hawi Marka le Aristarkas le Demas le Luka nih nan kut an in tlaih ve hna.

3 JOHAN 1:10

Ka rat tikah a tuahmi vialte kha ka phuan dih lai; kan konglam i thil ṭhalo tampi a chimmi le lih a chimmi tehna vialte kha. Cun cu lawng cu aa za rih lo, kan unau pawl kha an rat tikah a rak dawnh hna i kan tlung hna seh tiah a titu hna kha i tlunter hna hlah u, tiah a thlauh hna i Khrihfabu chung khan chuah a timh hna.

3 JOHAN 1:7

Zeicahtiah Khrih rian ṭuan awk khualtlawn ah khan, a zum lomi sinin bawmhnak zeihmanh la loin, an i thawh.

3 JOHAN 1:9

Khrihfabu sinah ca tawite hi ka ṭial, sihmanhsehlaw an hruaitu si a duhmi Diotrefes nih khan cun ka chimmi hi zeihmanh ah a rel lai lo.