3 JOHAN 1:11 - Lai (Hakha) Common Language Bible 2006

¹¹ Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.

Laibaibal Thiang (BSI)

¹¹ Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo.

3 JOHAN 1:11 ပူးပေါင်းရင်းမြစ်များ

SALM 34:14

Ṭhat lonak kha hrial u law ṭhatnak kha tuah u; daihnak kha duh u law nan hmuh khawh nakhnga fak piin i zuam u.

SALM 37:27

Ṭhat lonak kha mertak u law ṭhatnak kha tuah u; cun hi ram chungah hin nan um zungzal lai;

EXODUS 23:2

Ṭhat lonak tuah ah an tam deuh ai pat tiin a tam deuh leiah khan va ṭang hlah, cun biaceihnak ah a tam deuh lawmhnak a si paoh ahcun tiin dinnak a khamtu tehte va si hlah.

PHUNGTHLÛKBIA 12:11

Amah a lote a thlo lengmangmi cu ei awk a za in a ngei, sihmanhsehlaw san a tlai lomi rian i caan pakpalawng i hman cu hruh a si.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 3:20

Thil ṭhalo a tuahmi paoh nih cun ceunak kha a huat i ceunak i rat kha a duh lo, zeicahtiah thil ṭhalo a tuahmi langh kha a duh lo.

1 KORIN 11:1

Cucaah cun kei zong nih Khrih nawl ka cawn bantukin nannih zong nih ka nawl kha i cawn ve u.

1 KORIN 4:16

Cucaah ka zia ka cawng u tiah kan nawl hna.

EFESA 5:1

Nannih cu Pathian dawtmi fa nan si caah amah bantuk kha si i zuam u.

FILIPI 3:17

Ka u le ka nau hna, ka nawl cawn hi i zuam ko u. Zohchun awk ṭha nan caah kan in chiahpiakmi hna; a zulmi kha i zohchunh hna u.

1THESALON 1:6

Kanmah le Bawipa kha kan nawl nan kan cawn i temhinnak tampi nan huah nain Thiang Thlarau sinin a rami bia kha lawm tein nan cohlan.

1THESALON 2:14

U le nau hna, Judea ram chung i a ummi Pathian Khrihfabu, cuka ram i a ummi Khrih Jesuh mi a simi hna cung i a tlungmi thil bantuk nih nannih zong an tlunhnawh ve hna. Judah mi nih hremnak an pek hna bantukin nannih zong nanmah rammi lila nih hremnak an in pek ve hna,

2TIMOTE 3:10

Sihmanhsehlaw nang nih cun kaan cawnpiaknak le ka ziaza le ka nunnak i kaa tinhmi kha na zulh hna; zumhnak ka ngeihmi le ka lungsaunak le ka dawtnak ngeihmi le ka in khawhnak ngeihmi le

HEBRU 6:12

Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

1 PETER 3:11

Chiatnak kha a mer tak lai i ṭhatnak kha a tuah lai; daihnak kha a kawl lai i a zulh lai.

1 PETER 3:13

Ṭhatnak tuah kha a duhmi nan si ahcun aho nih dah harnak an in pek hna lai?

1JOHAN 2:29

Khrih cu a ding ti kha nan hngalh; cucaah ahmaanmi thil a tuahmi paoh cu Pathian fa an si ti kha nan hngalh awk a si.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.