2 SIANGPAHRANG 9:34 - Lai (Hakha) Common Language Bible 2006

³⁴ Cun a lut i a ei a ding i, “Hi chiatserhmi nu hi zohhmanh u, amah cu siangpahrang fanu a si caah va vui u,” tiah a ti.

2 SIANGPAHRANG 9:34 ပူးပေါင်းရင်းမြစ်များ

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

1 SIANGPAHRANG 18:41

Cun Elijah nih Ahab cu a thawh i, “Hung kal law hung ei law hung ding tuah, zeitintiah ruah a sur hluahmahmi thawng a um,” tiah a ti.

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

2 SIANGPAHRANG 9:33

“Run hlonh u, amah kha,” tiah a ti. Cucaah an vun hlonh i a thi nih cun vampang le rang hna kha a peh hna i annih nih an nan len.

2 SIANGPAHRANG 9:35

Sihmanhsehlaw vui awk i an va kal tikah, a luruh le a ke hna le a zapei hna dah ti lo cu a zeihmanh an hmu ti lo.

ESTHER 3:15

Siangpahrang nawl in ca phortu hna cu khulrang in an kal i nawlbia cu Susa khuapi ah khan an chuah. Cun Siangpahrang le Haman cu zu din awkah an ṭhu; sihmanhsehlaw Susa khuapi cu i tuai ur in a um.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

AMOS 6:4

Nannih cu vuiho in ṭamhmi nan ihkhun ah khan nan it i Nan ṭhutdan nem cungah khan nan zau, Saṭil run chung i a thaumi tuufa hna le cawfa hna kha nan ei;

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.