2 SIANGPAHRANG 9:3 - Lai (Hakha) Common Language Bible 2006

³ Khi tikah chiti thawl kha i lak law a lu ah toih law, ‘Hi bangin Bawipa nih, Nangmah cu Israel mi siangpahrang ah chiti kan thuh, a ti,’ tiah va ti. Cun innka kha hung law, zam; bualcam hlah,” tiah a ti.

2 SIANGPAHRANG 9:3 ပူးပေါင်းရင်းမြစ်များ

1 SIANGPAHRANG 1:34

cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

2 SIANGPAHRANG 8:13

Cun Hazael nih, “Uico tluk ceo a simi na sal hi zeidah ka si i cu thil lianngan ka tuah hnga cu?” tiah a ti. Elisha nih, “Nangmah cu Siria siangpahrang na si lai kha Bawipa nih a ka hmuhsak cang,” tiah a leh.

2 SIANGPAHRANG 9:6

Cucaah a tho i inn chungah a lut; cun tlangval nih cun chiti kha a lu ah a toih i, “Hi bangin Bawipa, Israel Pathian nih, ‘Nangmah cu Bawipa mi, Israel mi hna cung i siangpahrang ah chiti kan thuh.

2 CHANRELNAK 22:7

Sihmanhsehlaw Pathian nih a rak ruahning ah hin Ahaziah ṭumchuknak cu Joram a vung tlawnnak hin tlung dingin a rak si. Zeitintiah khika a phak tikah Joram he khan an chuak i Bawipa nih Ahab innchungkhar hrawktu dingah chiti a thuhmi Jehu, Nimshi fapa kha an ton.

EXODUS 29:7

Cun thuh awk chiti kha na lak lai i a lu ah khan na toih lai i amah cu na thuh lai.

DANIEL 2:1

Nebukhadnezzar cu a bawi kum hnihnak ah khan mang pakhat a ngei i a lung a suk tuk caah aa hngilh kho lo.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

LEVITIKAS 8:12

Cun thuhnak chiti cu tlawmpal in Aaron lu ah a toih i a thuh i a thianter.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 2:13

Annih an kal hnuah Bawipa vancungmi pakhat cu Josef sinah khan a mang ah a lang i, “Tho law, ngakchia le a nu kha i kalpi hna law Izipt ram ah va zam u. Cun chuak cang u, kan ti hna hlantiang cuka ah cun va um u. Herod nih ngakchia hi thah awkah a kawl lai,” tiah a ti.

MATTHAI 26:7

nu pakhat a ra i lungrang thawl khatte in zihmui a man a fak ngaingaimi kha a rak i put i rawl a ei lioah khan a lu ah a toih.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

1 SAMUEL 15:1

Cun Samuel nih Saul cu, “Bawipa nih keimah cu, nangmah kha, a mi Israel mi cung i siangpahrang si awk i chiti thuh awkah, a ka thlah cang; cucaah Bawipa bia cu ngai tuah hna.

1 SAMUEL 15:17

Cun Samuel nih, “Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.

1 SAMUEL 16:2

Cun Samuel nih, “Zeitindah ka kal khawh lai? Saul nih a theih ahcun, a ka thah lai,” tiah a ti. Cun Bawipa nih, “Cawla pakhat in i lak law, ‘Bawipa sin i raithawi awkah ka ra,’ tiah va ti.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.