2 SIANGPAHRANG 9:18 - Lai (Hakha) Common Language Bible 2006

¹⁸ Cucaah rangcung ralkap pakhat cu amah ton awkah khan a va kal i, “Siangpahrang nih, ‘Daihnak a si maw?’ a ti,” tiah a ti. Cun Jehu nih, “Daihnak kong ah naa thlaknak zeidah a um? I mer law ka hnu khan ka zul ko,” tiah a ti. Cun ralvengtu nih khan, “Lamkal nih khan a hei phak cang hna, sihmanhsehlaw a ra kir ṭhan lo,” tiah a ti.

2 SIANGPAHRANG 9:18 ပူးပေါင်းရင်းမြစ်များ

2 SIANGPAHRANG 9:17

Jezreel khua innsang cung i a dirmi ralveng nih Jehu pawl an rat cu a hmuh thli hna i, “Mibu bu khat ka hmuh,” tiah a ti. Cun Joram nih, “Rangcung ralkap pakhat i lak law, anmah ton awkah hei thlah tuah, cun anih nih, ‘Daihnak a si maw?’ tiah va ti seh,” tiah a ti.

2 SIANGPAHRANG 9:19

Cun rangcung ralkap pahnihnak a hei thlah ṭhan i an sin a phak tikah, “Siangpahrang nih, ‘Daihnak a si maw?’ a ti,” tiah a ti. Cun Jehu nih, “Daihnak kong ah naa thlaknak zeidah a um? I mer law ka hnu khan ka zul ko,” tiah a leh.

2 SIANGPAHRANG 9:22

Cun Joram nih Jehu kha a hmuh tikah, “Daihnak a si maw, Jehu?” tiah a ti. Anih nih, “Na nu Jezebel hlawhhlannak le eih hmannak liangluang hi an um rih chungah hin, zei daihnak cu dah a um kho lai?” tiah a ti.

2 SIANGPAHRANG 9:31

Cun Jehu cu kutka i a luh ah khin, “Nang Zimri, a bawipa a nawngtupa, daihnak in a si maw?” tiah a ti.

ISAIAH 48:22

Bawipa nih, “Misual mi hna caah cun himnak a um lo,” a ti.

ISAIAH 59:8

nanmah nan um paoh ahcun ahohmanh himbawm in khua a sami an um bal lo. Nan tuahmi thil paohpaoh hi a ding lomi an si dih. Nan zulhmi lam kha lamding lo a si i cu lam i a kalmi paoh cu a himbawmmi ahohmanh an um lo.

JEREMIAH 16:5

“Zeicahtiah Bawipa nih hitihin a ti: Ṭahnak inn chungah khan va lut hlah, ṭah awkah siseh, hnemh awkah siseh, va kal hlah; hi mi hna sin hin ka daihnak ka lak cang, a fekmi ka dawtnak le ka zaangfahnak zong, tiah Bawipa nih a ti.

ROM 3:17

Daihnak lam kha an hngal lo i