2 SIANGPAHRANG 9:12 - Lai (Hakha) Common Language Bible 2006

¹² Annih nih, “Mah, cucu ahmaan lo, kan chim ko,” tiah an ti. Cun anih nih, “Hitihin a ka ti ko hen cu, ‘Bawipa nih hi bangin a ti, Israel mi siangpahrang ah chiti kan thuh,’ ti in,” tiah a ti.

2 SIANGPAHRANG 9:12 ပူးပေါင်းရင်းမြစ်များ

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

2 SIANGPAHRANG 9:11

Jehu cu a bawipa sinum hna sin i a hung chuah tikah khan, annih nih amah cu, “A ṭha dih maw? Zeicahdah hi mihrutpa hi na sinah khan a rat?” tiah an ti. Cun anih nih annih cu, “Nannih nih amah cu nan hngalh i a bia zong nan hngalh ko kha ta,” tiah a ti hna.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.