2 SIANGPAHRANG 8:9 - Lai (Hakha) Common Language Bible 2006

⁹ Cucaah Hazael cu amah don awkah khan a kal i laksawng, Damaskas thilri a phun phun, kalauk sawm li phor aa phorh. Cun a phak i a hmai i a dir tikah khan, “Na fapa Benhadad, Siria siangpahrang nih keimah cu nangmah sinah a ka thlah i, ‘Hi zawtnak hin ka dam ṭhan lai maw?’ a ti,” tiah a ti.

2 SIANGPAHRANG 8:9 ပူးပေါင်းရင်းမြစ်များ

1 SIANGPAHRANG 14:3

Cun changreu tlang hra, changreu thlum tlawmpal le khuaihliti thawl khat in i phorh law amah sinah cun va kal tuah; amah nih ngakchia hi zeitindah a um lai kha a rak in chimh lai,” tiah a ti.

1 SIANGPAHRANG 15:18

Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 SIANGPAHRANG 19:15

Cun Bawipa nih a thawh i, “Va kir law Damaskas ramlak leiah khan va kal tuah; cuka na phak tikah Hazael cu Siria siangpahrang si awkah chiti na thuh lai;

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

2 SIANGPAHRANG 13:14

Elisha cu a thihpi hnga ding zawtnak in a zawt tikah, Israel siangpahrang Jehoash cu a vung kal i a hmaiah a ṭap i, “Ka pa, ka pa! Israel mi rangleng hna le rangcung ralkap hna khing!” tiah a ti.

2 SIANGPAHRANG 16:7

Cucaah Ahaz nih Assiria siangpahrang Tiglath-pileser sinah khan lamkal a hei thlah hna i, “Keimah cu na sal le na fapa ka si. A ka tutu siangpahrang le Israel siangpahrang kut chung hin, hung law ra ka chanh tuah,” tiah a ti.

2 SIANGPAHRANG 5:13

Sihmanhsehlaw a sinum hna nih khan an va naih i, “Ka pa, profet nih khan thil ngan pakhatkhat tuah in fial seh law tuah loin maw na um hnga? A si kun ahcun, ‘Va kholh law va thiang; an ti tikah hin, zeitluk in dah tuah chinchin awk a si,” tiah an ti.

2 SIANGPAHRANG 5:5

Cun Siria siangpahrang nih khan, “Va kal law, Israel siangpahrang cu ca ka kuat lai,” tiah a ti. Cucaah a kal i ngun talen pahra, sui shekel thong ruk he puai puan zun hra aa phorh.

2 SIANGPAHRANG 6:21

Israel siangpahrang nih khan a hmuh tik hna ah Elisha sinah cun, “Ka pa, ka thah hna lai maw? Ka thah hna lai maw? tiah a ti.

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;

FILEMON 1:14

Sihmanhsehlaw hnekchom in i bawmhter cu kan duh lo, nangmah nih nangmah lungtho tein na ka bawmh kha ka duh deuh. Cucaah cun nangmah hnatlak lomi cu zeihmanh ka tuah lai lo.

1 SAMUEL 25:8

Na tlangval kha hal hna law an in chimh ko lai. Cucaah puai ni i kan rat caah hin ka tlangval hna hi na hmaiah mithmai ṭha hmuhter ko hna. Na sal hna le na fapa David hi na ngeihmi paoh rak kan pe ko sawh, a ti,’ tiah nan va ti lai,” tiah a ti.

1 SAMUEL 9:7

Cun Saul nih a sinum sinah cun, “Sihmanhsehlaw, kan kal ahcun mipa cu zeidah kan put khawh lai? Kan zal chung i changreu a dih cang caah Pathian mi cu laksawng zeihmanh put awk a um ṭung lo. Zeidah kan ngeih?” tiah a ti.