2 SIANGPAHRANG 8:7 - Lai (Hakha) Common Language Bible 2006

⁷ Elisha cu Damaskas khua ah a kal. Siria siangpahrang Benhadad cu a zaw i, “Pathian mi cu hika ah a ra,” tiah an chimh tikah,

2 SIANGPAHRANG 8:7 ပူးပေါင်းရင်းမြစ်များ

GENESIS 14:15

A mi cu bu hnih ah a ṭhen hna i zan ah an tuk hna i an tei hna. Damaskas khua chaklei i a ummi Hobah tiang an dawi hna i

1 SIANGPAHRANG 11:24

David nih Zobah khuami kha a thah hna hnuah, amah nih cun mi kha a sinah a pumh hna i mi ramhtu bu lu ah aa ser i Damaskas ah an kal i khika ah an um i siangpahrang ah an ser.

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

1 SIANGPAHRANG 15:18

Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 SIANGPAHRANG 20:1

Siria siangpahrang Benhadad nih a ralkap vialte kha a pumh hna; siangpahrang sawm thum le pahnih kha a sinah an ṭang, rang le rangleng hna he; cun a hung kal i Samaria kha a kulh i a doh.

1 SIANGPAHRANG 20:34

Cun Benhadad nih amah cu a thawh i, “Ka pa nih na pa sinin a lakmi khua kha kan khirh ṭhan lai; cun ka pa nih Samaria ah a rak tuah bang khan, nang zong nih Damaskas khua ah chawdawr naa ser ve lai,” tiah a ti. Cun Ahab nih a thawh i, “Hi biakamnak thawng hin kan luatter lai,” tiah a ti. Cucaah amah he cun biakamnak a ser i a kalter.

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

2 SIANGPAHRANG 5:20

Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

2 SIANGPAHRANG 6:12

Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

2 SIANGPAHRANG 6:24

Cu hnuah cun, Siria siangpahrang Benhadad nih a ralkap vialte cu a pumh hna i a hung kal i Samaria kha an dum.

2 SIANGPAHRANG 8:6

Cun siangpahrang nih minu cu a hal tikah amah nih cun a rak chimh. Cucaah amah caah cun siangpahrang nih bawi pakhat kha a fial i, “Amah ta a simi vialte kha, hi ram a kaltak ni thawk in atu tiang a lo in a chuakmi vialte he, amah cu pe ṭhan dih u,” tiah a ti.

ISAIAH 7:8

Zeicahdah a si bal lai lo? Siria cu Damaskas nakin a ṭhawng deuh lo i Damaskas cu Siangpahrang Rezin nakin a ṭhawng deuh fawn lo. Israel tu cu, kum sawm ruk le kum nga chungah hin a rawk tuk lai caah miphun pakhat ti awk tlak hmanh in a dir kho lai lo.

JEREMIAH 40:5

Cun Jeremiah nih a leh hlanah khin Nebuzaradan nih cun, “Babilon siangpahrang nih Judah ram khua hna a uktu ah a sermi Gedaliah sinah khan va kir ṭhan law amah sinah cun langhngan in va um ko, asiloah, na duhnak paoh ah va kal ko’, a ti,” tiah a peh. (Gedaliah cu Ahikam fapa a si, Ahikam cu Safan fapa a si). Cun ralvengtu haotu nih cun i cawmnak rawl a pek i laksawng a ṭhenh i a kaltak.

LAMKALTU 17:6

Sihmanhsehlaw annih kha an va hmuh hna lo tikah Jason le unau pawl a cheukhat kha khua uktu bawi hna sinah an hnuh hna i, “Khua kip ah hnahnawhnak a chuahtertu hna kha atu cu kan khua zong an ra phan ve cang i

DEUTERONOMI 33:1

Hi thluachuahnak hi Pathian mi Moses nih a thih hlanah Israel fale thluachuah a pek hnanak cu a si.

BIACEIHTU 16:2

Gaza mi hna cu, “Samson hika ah a ra,” tiah an chimh hna i annih nih a hmun kha an kulh i khua hauka khan zan khuadei an bawh. Zan khuadei dai tein an um i, “Zinglei khua a dei tiang hngak u sih; cun khi tikah kan thah lai,” an ti.