2 SIANGPAHRANG 8:5 - Lai (Hakha) Common Language Bible 2006

⁵ Cun anih nih, zeitindah Elisha nih a thimi a nunter ṭhannak kong kha a chimh lioah khan, zohhmanh, a fapa a nunter ṭhan minu nih khan a inn le a lo kong ah siangpahrang cu a nawl. Cun Gehazi nih a thawh i, “Maw siangpahrang, ka bawipa, minu kha mah hihi a si i a fapa Elisha nih a nunter ṭhanmi kha mah hihi a si,” tiah a ti.

2 SIANGPAHRANG 8:5 ပူးပေါင်းရင်းမြစ်များ

1 SIANGPAHRANG 20:1

Siria siangpahrang Benhadad nih a ralkap vialte kha a pumh hna; siangpahrang sawm thum le pahnih kha a sinah an ṭang, rang le rangleng hna he; cun a hung kal i Samaria kha a kulh i a doh.

2 SIANGPAHRANG 4:12

khika ah aa din. Cun a sinum Gehazi kha a thawh i, “Hi Shunam nu hi va au tuah,’ tiah a ti. A va auh tikah a hmaika ah a ra dir.

2 SIANGPAHRANG 4:35

Khi tikah a tho ṭhan i inn chungah cun aa chawk i a hung kal i a cungah cun a bawk ṭhan; ngakchia cu voi sarih a hung hathiao i ngakchia nih cun a mit a hun au.

2 SIANGPAHRANG 6:12

Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

2 SIANGPAHRANG 6:26

Cun Israel siangpahrang cu ralhau cung i a kal lioah khan nu pakhat nih a hei auh i, “Maw siangpahrang, ka bawipa, ka bawm tuah,” tiah a ti.

2 SIANGPAHRANG 8:6

Cun siangpahrang nih minu cu a hal tikah amah nih cun a rak chimh. Cucaah amah caah cun siangpahrang nih bawi pakhat kha a fial i, “Amah ta a simi vialte kha, hi ram a kaltak ni thawk in atu tiang a lo in a chuakmi vialte he, amah cu pe ṭhan dih u,” tiah a ti.

ESTHER 5:14

Cun a nupi Zeresh le a hawikom vialte nih cun an thawh i, “Mi thlainak dong sawm nga a sangmi ser si seh law, cun cuka ah cun Mordekai kha thlai si seh, tiah zingka ah siangpahrang cu chim; cun siangpahrang he cun lunglawm ngaiin rawl danghnak ah cun kal te u,” tiah an ti. Hi ruahnak cheuhmi nih Haman cu a lung a ton ngaingai i mi thlainak cu a serter hna.

SALM 145:1

Ka Pathian le ka siangpahrang, na lianhngannak cu ka thanh lai i nangmah cu a zungzal in kan lawmh lai.

PHUNGTHLÛKBIA 16:9

Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

RUTH 2:3

Cucaah aa thawh i a kal i rawlṭuantu hna hnuah khan famua cu a va sua; cun Elimelek chung a simi Boaz ta a simi lo ah cun a va phan sual ai.

1 SAMUEL 26:17

Saul nih David cu a hngalh i, “Mah cucu nangmah aw a si maw, David ka fapa?” tiah a ti. Cun David nih, “Keimah aw a si, ka bawipa, maw siangpahrang,” tiah a ti.