2 SIANGPAHRANG 8:3 - Lai (Hakha) Common Language Bible 2006

³ Cun kum sarih a donghnak i minu cu Filistin mi hna ram in a ra kir ṭhan tikah, a inn le a lo ca i nawlnak pek awkah khan siangpahrang sinah a va chuak.

2 SIANGPAHRANG 8:3 ပူးပေါင်းရင်းမြစ်များ

2 SAMUEL 14:4

Tekoa minu cu siangpahrang sinah a rat tikah vawlei lei hoih in a bawk i upatnak kha a tuah i, “Maw siangpahrang ka bawm tuah,” tiah a ti.

2 SIANGPAHRANG 4:13

Cun amah nih anih cu a thawh i, “Amah kha, ‘Zohhmanh, hi tlukin na kan tuammuai, zeidah kan in tuahpiak ve lai? Siangpahrang sinah siseh, ralkapbu haotu sinah siseh, bia chimpiak na duhmi a um maw? tiah hei ti,” tiah a ti. Anih nih, “Keimah ka miphun sinah pei ka um ko cu,” tiah a leh.

2 SIANGPAHRANG 6:26

Cun Israel siangpahrang cu ralhau cung i a kal lioah khan nu pakhat nih a hei auh i, “Maw siangpahrang, ka bawipa, ka bawm tuah,” tiah a ti.

2 SIANGPAHRANG 8:2

Cucaah minu cu a tho i Pathian mi nih a chimmi bia ning khan a tuah; a innchungkhar he an i thawh i Filistin mi hna ram ah an pem i kum sarih an um.

2 SIANGPAHRANG 8:4

Siangpahrang cu Pathian mi sinum Gehazi he khan bia an rak i ruah i, “Elisha nih thil lianngan a tuahmi vialte ka chim tuah,” ti i a rak ti lio kha a si.

2 SIANGPAHRANG 8:6

Cun siangpahrang nih minu cu a hal tikah amah nih cun a rak chimh. Cucaah amah caah cun siangpahrang nih bawi pakhat kha a fial i, “Amah ta a simi vialte kha, hi ram a kaltak ni thawk in atu tiang a lo in a chuakmi vialte he, amah cu pe ṭhan dih u,” tiah a ti.

JEREMIAH 22:16

Mirethei le misifak cungah khan bia ding tein a ceih, Cu nih cun keimah a ka hngalh kha a langhter a si lo maw, tiah Bawipa nih a ti.

RUTH 1:7

Cucaah a umnak hmun khan a fapale nupi hna he khan aa thawh i Judah ram i kir ṭhannak lam ah khan an kal.