2 SIANGPAHRANG 8:16 - Lai (Hakha) Common Language Bible 2006

¹⁶ Israel siangpahrang Ahab fapa Joram a bawi kum nganak ah khan Judah siangpahrang Jehoshafat fapa Jehoram cu pen hram aa thawk.

2 SIANGPAHRANG 8:16 ပူးပေါင်းရင်းမြစ်များ

1 SIANGPAHRANG 22:42

Jehoshafat cu pennak hram a thawk ah khan kum sawm thum le kum nga a ti i Jerusalem khua in kum kul le kum nga a uk. A nu min cu Shilhi fanu Azubah a si.

1 SIANGPAHRANG 22:44

Jehoshafat nih Israel siangpahrang he remnak zong a tuah.

1 SIANGPAHRANG 22:50

Cun Jehoshafat cu a pupa hna sinah a it i a pupa hna sinah cun a pu David khua chungah an vui; cun a fapa Jehoram cu amah hmun ah khan a hung bawi.

1 SIANGPAHRANG 22:51

Judah siangpahrang Jehoshafat siangpahrang a si kum hleisarihnak ah Ahab fapa Ahaziah nih Israel cu Samaria khua in pen hram a thawk i Israel cu kum hnih a uk.

2 SIANGPAHRANG 1:17

Cuticun Elijah nih a chimmi Pathian bia ningin amah cu a thi. Cun Ahaziah nih khan fapa a ngeih lo caah, Judah siangpahrang Jehoshafat fapa Jehoram a bawi kum hnihnak ah khan, a unau Joram cu amah hmun ah khan siangpahrang a cang.

2 SIANGPAHRANG 11:2

Sihmanhsehlaw siangpahrang Joram fanu Jehosheba, Ahaziah far nih khan Ahaziah fapa Joash cu a lak i thah awk i ruahmi siangpahrang fapa hna lak khan a thli tein a kalpi i amah le a cawngtunu cu ihnak dal chungah a chiah hna. Cuticun Athaliah sin khan a thuh i cucaah anih cu an that lo;

2 SIANGPAHRANG 3:1

Judah siangpahrang Jehoshafat a bawi kum hleiriatnak ah, Ahab fapa Joram cu Israel mi cungah Samaria khua ah siangpahrang a cang i kum hleihnih a pen hna.

2 SIANGPAHRANG 8:25

Israel siangpahrang Ahab fapa Joram a bawi kum hleihnihnak ah, Judah siangpahrang Jehoram fapa Ahaziah cu pen hram aa thawk.

2 CHANRELNAK 22:1

Cun Jerusalem khuami hna nih cun a fapa hniang bik Ahaziah kha amah hmun ah cun siangpahrang ah an ser; zeitintiah Arab mi hna he riahhmun i a rami hna nih khan a fapa upa deuh vialte kha cu an thah dih hna. Cucaah Judah siangpahrang Jehoram fapa Ahaziah cu bawi ah a cang.