2 SIANGPAHRANG 7:9 - Lai (Hakha) Common Language Bible 2006

⁹ Khi tikah pakhat le pakhat cu, “Kan tuahmi hi a ding lo. Nihin hi thawng ṭha ni a si; kannih nih dai ziar in kan um i zinglei khua ceu kha kan ngan ahcun, dantatnak nih a kan phak lai; cucaah ra u law va kal u sih law siangpahrang innchungkhar kha va chim hna u sih,” tiah an ti.

2 SIANGPAHRANG 7:9 ပူးပေါင်းရင်းမြစ်များ

2 SIANGPAHRANG 5:4

Cucaah Naaman cu a va lut i a bawipa kha, “Cu bantuk, kha bantukin Israel ram ngakchianute nih khan a chim,” tiah a chimh.

2 SIANGPAHRANG 7:10

Cucaah an ra i khua kutka cawngtu kha an auh hna i, “Siria mi riahhmun ah kan va kal i zohhmanh, khika ah ahohmanh an rak um lo, minung thawng le thlam zeihmanh a leng lo, aa hrengmi rang hna le aa hrengmi laa hna le an umning tein a ummi riahbuk hna dah ti lo cu zeihmanh a um lo,” tiah an chimh hna.

2 SIANGPAHRANG 7:3

Cun kutka luhnak ah cun mi pali an um i annih cu mithinghmui an si; cun pakhat le pakhat kha bia an i ruah i, “Zeicah hen mah kah hin kan thih tiangin kan ṭhut ko?

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

2 SIANGPAHRANG 7:8

Cun hi mithinghmui hna cu riahhmun tonter i an rat tikah khan, riahbuk pakhat chungah an lut i an ei i an ding i sui le ngun le hnipuan kha an i lak hna i an kal i an thuh hna; cun an ra ṭhan i riahbuk a dang pakhat chungah khan an lut i a chung thil cu an i kalpi hna i an kal i an va thuh hna.

PHUNGTHLÛKBIA 24:16

Zeicahtiah miṭha mi cu voi sarih tiang tlu hmanh seh law a tho ṭhan zau lai, sihmanhsehlaw miṭhalo cu vanchiatnak nih a hrawh hna.

ISAIAH 41:27

Cu thawng Zion a chim hmasa biktu cu Bawipa ka si, Jerusalem cu, ‘Na mi hna an ra lio! Na mi hna an ra tlung lio!’ tiah va chimh awkah keimah nih lamkaltu ka thlah.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

NAMBAR 32:23

Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

LUKA 2:10

sihmanhsehlaw vancungmi nih cun a thawh hna i, “Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai.

FILIPI 2:4

Cun midang duhning kha hmuh thiam i zuam u law nanmah duhnak lawng kha ruat hlah u.