2 SIANGPAHRANG 7:6 - Lai (Hakha) Common Language Bible 2006

⁶ Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

2 SIANGPAHRANG 7:6 ပူးပေါင်းရင်းမြစ်များ

2 SAMUEL 10:6

Ammon mi hna nih annih cu David huat kan phor cang ti kha an theih tikah, Ammon mi hna nih cun mi an hei thlah hna i Beth-rehob i Siria mi hna le Zobah i Siria mi hna, ke ralkap sang hnih le Maakah ram siangpahrang le a mi thong khat, cun Tobram mi sang khat le thong hnih kha an i ruaih hna.

2 SAMUEL 5:24

Cun balsam thing par hna i kal thawng na theih tikah, khi tikah na cawlcang ve lai, zeitintiah khi tikah khan, Bawipa cu na hmaiah Filistin mi ralkapbu kha tuk awkah a kal cang a si lai,” tiah a ti.

1 SIANGPAHRANG 10:29

Izipt ram in rangleng pakhat cu shekel za ruk in, rangtum pakhat cu za le sawm nga in, tlunpi khawh a si; cucaah siangpahrang chawlettu hna sin cun Hit mi siangpahrang vialte hna le Siria mi siangpahrang vialte hna sinah zuarh chin an si.

1 SIANGPAHRANG 20:20

Cun annih nih anmah le an dohmi cio kha an thah hna; Siria mi cu an zam i Israel mi nih an dawi hna, sihmanhsehlaw Siria siangpahrang Benhadad cu rang cungin rangcung ralkap hna he an luat.

2 SIANGPAHRANG 19:7

Zohhmanh, a chungah thlarau pakhat ka chiah lai i biathangchin a theih lai i amah ram ah a kir lai; cun amah ram chung lila ah vainam in ka thihter lai, a ti,’ tiah va chim u,” tiah a ti.

2 SIANGPAHRANG 7:5

Cucaah mui chupchap ah khin Siria mi hna riahhmun i va kal awkah cun an i thawh; sihmanhsehlaw Siria mi hna riahhmun tonter an va phanh tikah, zohhmanh, khika ah ahohmanh an rak um lo.

JOB 15:21

Ṭihnak thawng kha a hna chungah an au lai i Him tein ka um tiah aa ruah lioah, mifir nih an chuahhnawh lai.

SALM 14:5

Sihmanhsehlaw Pathian cu a nawl a ngaimi hna sinah a um caah annih cu an thin a phang ngaingai lai.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 36:9

Assiria bawi lak i a hme bik hmanh tluk ṭung loin, Izipt nih rangleng le rangcung ralkap a kan kuat lai, nan hei ti.

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

EZEKIEL 1:24

Cun an thla thawng zong kha ka theih, an kal tikah an thla thawng cu ti tampi thawng bantuk a si, Lianngan Bik khuari thawng bantuk a simi bu nganpi thawng le ralkap bu thawng bantuk a si; an dir tikah an thla kha an ṭhumh hna.

EZEKIEL 10:5

Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu bantuk cun a thang.

BIAPHUAN 9:9

An ṭang ah thir angki bantuk an i aih i an thla khawn thawng cu, raltuknak hmun ah a le cutmatmi rangleng tampi thawng bantuk a si.

BIACEIHTU 7:21

Cun riahhmun a velchum khan an umnak hmun cio ah an dir i ralkap vialte cu an le dih; an au i an zamter dih hna.

1 SAMUEL 14:15

Cun riahhmun le lo lak le mi vialte lakah khan launak a um ciammam i ralvengtu ralkapbu le ral hranhtu ralkap hna hmanh cu an ther ko; cun vawlei aa hnin i launak nganpi ah a cang.

1 SAMUEL 26:6

Cun David nih Hit mi Ahimelek le Joab unau Abishai, Zeruiah fapa, sinah khan, “Ahodah riahhmun chungah khin, Saul sinah khin, a vun ka zul lai?” tiah a ti. Cun Abishai nih, “Keimah nih kan zulh lai,” tiah a ti.