2 SIANGPAHRANG 7:20 - Lai (Hakha) Common Language Bible 2006

²⁰ Cucaah a cungah cu bantukin a tlung; mi nih khan kutka ah cun an cil ciammam i a thi.

2 SIANGPAHRANG 7:20 ပူးပေါင်းရင်းမြစ်များ

2 SIANGPAHRANG 7:19

ralbawipa nih cun Pathian mi kha, “Bawipa hrimhrim hmanh nih van ah khin thlalangawng a ser hna hmanh ah, mah bantuk thil cu a cang kho hnga maw?” tiah a rak leh. Cun anih nih a rak thawh i, “Na mit cun na hmuh sawk lai, sihmanhsehlaw a ei cu na ei lai lo,” a ti.

2 SIANGPAHRANG 8:1

Cun Elisha nih a fapa a rak nunter ṭhanmi minu sinah khan, “Tho law, na innchungkhar dihlak he kal u law, na pem khawhnak paoh ah va pem; zeicahtiah Bawipa nih mangṭam kha a kawh cang i hi ram cungah hin kum sarih chung a tla lai,” tiah a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

JOB 20:23

Pathian nih a cungah a thinhunnak cu a tlunter ciammam i Harnak cu ruah sur in a surter.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

JEREMIAH 28:17

Cu kum hrimhrim a thla sarihnak thla ah profet Hananiah cu a thi.

NAMBAR 20:12

Cun Bawipa nih Moses le Aaron cu, “Nan ka zumh lo i Israel mi hna mithmuh ah nan ka thianter lo caah, cucaah nannih nih cun hi mirun hi ka pekmi hna ram chungah nan luhpi hna lai lo,” tiah a ti hna.