2 SIANGPAHRANG 7:17 - Lai (Hakha) Common Language Bible 2006

¹⁷ Siangpahrang nih khan a kut aa bochanmi ralbawipa kha kutka cawngtu ah cun a thiah i, siangpahrang nih Pathian mi sinah a vung kal i anih nih a rak chimning khan, mi nih khan kutka ah cun an cil ciammam i a thi.

2 SIANGPAHRANG 7:17 ပူးပေါင်းရင်းမြစ်များ

2 SIANGPAHRANG 5:18

Hi kong bel ah hin Bawipa nih na salpa cu ka ngaithiam ko seh! Ka bawipa nih Rimmon inn chungah biak awkah, a luh tikah kei zong Rimmon inn chungah cun ka lu ka khun ve ding a si, cu bantukin Rimmon inn chungah ka lu ka khun tikah, hi kong ah hin Bawipa nih na salpa cu ka ngaithiam ko seh,” tiah a ti.

2 SIANGPAHRANG 6:32

Elisha cu a inn ah khan a ṭhu ko i upa hna cu amah sinah khan an ṭhu ve. Cun siangpahrang nih amah sinin mi pakhat a thlah i lamkaltu kha a ra phak hlanah khan Elisha nih cun upa hna cu, “Zeitindah lainawngpa nih hin keimah lu kha tan awkah a mi a thlah ti kha nan hngal maw? Zohhmanh u, lamkaltu kha a rat tikah, innka kha khar u law innka kha fek tein hrenhkanh u. A bawipa ke lamh thawng nih amah cu a zulh colh a si lo mei?” tiah a ti.

2 SIANGPAHRANG 7:2

Cun siangpahrang nih a kut aa hngatchanmi ralbawi nih khan Pathian mi cu a thawh i, “Bawipa hrimhrim hmanh nih van ah khin thlalangawng hna a ser hmanh ah, mah thil hi a si kho hnga maw?” tiah a ti. Sihmanhsehlaw anih nih, “Na mit hrimhrim in na hmuh lai, sihmanhsehlaw a ei cu na ei lai lo” tiah a ti.

2 SIANGPAHRANG 9:33

“Run hlonh u, amah kha,” tiah a ti. Cucaah an vun hlonh i a thi nih cun vampang le rang hna kha a peh hna i annih nih an nan len.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

MIKAH 7:10

Khi tikah, “Bawipa na Pathian cu khuazei ah dah a um?” tiin nehsawh zawmhtaih in a ka timi ka ral hna nih khan an vun hmuh lai i an ning a zak lai. Annih cu an sungh i lam i nawncek lakah lamhchih an si kha ka hmuh hna lai.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

BIACEIHTU 20:43

Benjamin mi hna cu an sam hna i Nohah in Gibeah nichuahlei ral tiang an dawi hna i an lamh hna.