2 SIANGPAHRANG 7:16 - Lai (Hakha) Common Language Bible 2006

¹⁶ Khi tikah mi zapi cu an chuak i Siria mi riahhmun kha an va ramh. Cucaah changvut dip rel khat cu shekel pakhat ah zuarh a si i barli rel hnih cu shekel pakhat ah zuarh a si, Bawipa bia bang khan,

2 SIANGPAHRANG 7:16 ပူးပေါင်းရင်းမြစ်များ

2 SIANGPAHRANG 7:1

Sihmanhsehlaw Elisha nih a thawh i, “Bawipa bia hi thei tuah: hi bangin Bawipa nih, Thaizing atu tik hrawngah hin Samaria khua hauka ah hin changvut dip rel khat cu shekel pakhat ah, cun barli rel hnih cu shekel pakhat ah zuar a si lai, a ti,” tiah a ti.

2 SIANGPAHRANG 7:15

Cucaah Jordan tiva tiang an dawi hna; cun zohhmanh, Siria mi nih an i hnawhsarenak ah an hlonh tami hnipuan hna le thilri hna kha lampi ah cun a thluangthluan in an ril liangluang ko. Cun lamkal hna cu an kir i siangpahrang kha an chimh.

2 CHANRELNAK 20:25

Cun Jehoshafat le a mi hna kha hranchaw lak awkah an rat tikah saṭil tampi, thilri, hnipuan man sungmi thilri, an hmuh hna i an i phorh khawh ti lo tiangin an i lak hna. Hranchaw laknak ah cun ni thum tiang an rau, a tam hringhran ko.

SALM 68:12

“Siangpahrang hna le an ralkap hna cu an zam cang,” an ti. Inn i a ummi nu hna nih khan, hranchaw an tlaihmi kha an rak i phaw;

SALM 68:13

cu hranchaw hna cu ngun in tuammi ṭhuro milem tete an si, an thla cu sui bantukin a tleu. (Zeicahdah a cheu cu raldoh ni ah tuu kawm chungah nan um ko?)

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 33:4

An chawva vialte kha an chuh hna i hranchaw ah an lakpiak dih hna.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

1 SAMUEL 17:53

Cun Israel mi hna cu Filistin mi an dawi hnanak khan an ra kir i an riahhmun kha an rok.