2 SIANGPAHRANG 6:2 - Lai (Hakha) Common Language Bible 2006

² Jordan tiva ah khin vung kal u sih law khika ah khin thing thluan khat cio vung la u sih law khika ah khin umnak hmun vung ser u sih,” tiah an ti. Cun anih nih, “Va kal u,” tiah a leh hna.

2 SIANGPAHRANG 6:2 ပူးပေါင်းရင်းမြစ်များ

2 SIANGPAHRANG 6:1

Profet fapa hna nih khan Elisha cu an thawh i, “Zohhmanh, na kan hruinak tang i kan umnak hmun hi kan caah a hme tuk.

2 SIANGPAHRANG 6:3

Cun annih lak i pakhat nih, “Na sal hna kan sinah hin kal ve ko,” tiah a ti i, “Ka kal lai,” tiah a leh.

JOHAN 21:3

Peter nih a hawile cu a thawh hna i, “Kei cu ngatlaih ah ka kal lai,” a ti hna. Annih nih, “Na sinah kan kal ve lai,” an ti i lawng chungah khan an lut. Sihmanhsehlaw zan khuadei zeihmanh an tlai lo.

LAMKALTU 18:3

an sinah cun a um i an sinah cun rian a ṭuan; amah zong cu anmah bantuk khan saphaw thlam ser in a paw aa cawmmi a si ve.

1 KORIN 9:6

Barnabas le keimah lawng hi maw mah nunnak caah mahte in rian aa ṭuanpah ding cu kan si?

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

2 THESALON 3:8

Ahohmanh nih alak in nan kan cawm lo. Kanmah te nih rian kan ṭuan, aho nan ca hmanh ah thilrit kan si nakhnga lo chunzan in kan ṭuan.

1TIMOTE 6:6

Biaknak nih hin rumnak a chuahpi taktak, sihmanhsehlaw cu rumnak a ngeimi cu mah tinvo i a lung hna a ngammi kha an si.