2 SIANGPAHRANG 6:12 - Lai (Hakha) Common Language Bible 2006

¹² Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

2 SIANGPAHRANG 6:12 ပူးပေါင်းရင်းမြစ်များ

2 SIANGPAHRANG 5:26

Sihmanhsehlaw amah cu a thawh i, “Nangmah ton awkah mipa nih a rangleng in a ṭum ah khan nangmah sinah khan thlarau in ka kal lo mei? Tangka le puan hna le oliv dum hna le mitsur dum hna le tuu hna le cawtum hna le salpa hna le salnu hna i lak caan a si maw?

2 SIANGPAHRANG 5:3

Cun a bawinu sinah cun, “Samaria i a ummi profet sinah ka bawipa hi va kal seh law ka hei duh dah! A thinghmui zawtnak hi a hei damh ko hnga,” tiah a ti.

2 SIANGPAHRANG 5:8

Sihmanhsehlaw Pathian mi Elisha nih Israel siangpahrang nih a puan a thleh hna ti kha a theih tikah, siangpahrang cu bia a hei cah i, “Zeicahdah na puan cu na thleh hna? Israel ram chungah profet a um ti kha a hngalh naklai, keimah sinah ratter tuah,” tiah a ti.

2 SIANGPAHRANG 6:11

Cun hi ruangah hin Siria siangpahrang cu a lungchung in a khuaruah a har ngaingai i a sinum cu a kawh hna i annih cu, “Ahodah kan lak i Israel siangpahrang ta a simi hi nan ka hmuhsak lai lo maw?” tiah a ti.

2 SIANGPAHRANG 6:13

Cun anih nih, “Va kal law khuazei i a um kha va hngal tuah, mi ka hei thlah hna i ka tlaih khawh nakhnga,” tiah a ti. Amah cu, “Zohhmanh, Dothan ah a um ko,” tiah an chimh.

EXODUS 8:3

Tiva cu utlak in a khat lai i tiva cu an kaltak lai i na inn chungah an lut lai; na ihnak khaan le na ihkhun le na bawi pawl inn le na mi hna inn ah khan an lut lai; na tappi le na changreu sernak kheng chung tiangin an lut lai.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

PHUNGCHIMTU 10:20

Siangpahrang cu a thlite hmanh in congoih hlah, Mirum cu nan ihnak khan chung hmanh ah congoih hlah, Zeicahtiah thli lak i a zuangmi va nih na aw cu an kalpi lai i na chimmi cu an va chimh sual ko hna lai.

ISAIAH 29:15

Bawipa nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an ṭuan i, kan tuahmi cu ahohmanh nih an hmu lai lo i an hngal lai lo, tiah an ruah.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.