2 SIANGPAHRANG 5:3 - Lai (Hakha) Common Language Bible 2006

³ Cun a bawinu sinah cun, “Samaria i a ummi profet sinah ka bawipa hi va kal seh law ka hei duh dah! A thinghmui zawtnak hi a hei damh ko hnga,” tiah a ti.

2 SIANGPAHRANG 5:3 ပူးပေါင်းရင်းမြစ်များ

2 SIANGPAHRANG 5:2

Siria mi hna nih ral hranh i an kal tawnnak ah hin, voi khat cu Israel ram in ngakchianute pakhat hi an i tlaih Naaman nupi tuammuaitu ah a cang.

2 SIANGPAHRANG 5:4

Cucaah Naaman cu a va lut i a bawipa kha, “Cu bantuk, kha bantukin Israel ram ngakchianute nih khan a chim,” tiah a chimh.

2 SIANGPAHRANG 5:8

Sihmanhsehlaw Pathian mi Elisha nih Israel siangpahrang nih a puan a thleh hna ti kha a theih tikah, siangpahrang cu bia a hei cah i, “Zeicahdah na puan cu na thleh hna? Israel ram chungah profet a um ti kha a hngalh naklai, keimah sinah ratter tuah,” tiah a ti.

NAMBAR 11:29

Sihmanhsehlaw Moses nih anih cu, “Keimah ca lawngin dah ra na ruah hi? Bawipa mi vialte hi profet si dih in, annih cungah Bawipa nih a thlarau chia seh law ka hei tinak lakah cun!” tiah a ti.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

1 KORIN 4:8

Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!