2 SIANGPAHRANG 5:23 - Lai (Hakha) Common Language Bible 2006

²³ Cun Naaman nih, “Talen pahnih hi cohlang tuah hna,” tiah a ti. Cun hramhram in a lem i ngun talen pahnih cu puai puan pahnih he sawngkhoi pahnih in a rawn hna i a sal pahnih hna kha a phorhter hna; cun annih nih Gehazi hmaiah khan an phorh hna.

2 SIANGPAHRANG 5:23 ပူးပေါင်းရင်းမြစ်များ

GENESIS 33:11

Nangmah caah ka rak phorhmi ka laksawng cu ka cohlanpiak ko hna; Pathian nih a ka zaangfah i ka herhmi vialte kha a ka pek ko,” a ti. Aa lak hlan lo a nawl lengmang.

1 SIANGPAHRANG 20:7

Cu tikah, Israel siangpahrang nih ram chung upa vialte kha a auh hna i, “I chingchiah hmanh u, hi pa i harnak tuah awk a kawl ning hi; ka sinah mi a rak thlah hna i ka nupile le ka fale le ka ngun le ka sui kha a ka hal i ka rak al lo,” tiah a ti.

2 SIANGPAHRANG 12:10

Cun thingkuang chungah tangka tampi a um ti an hngalh fate, siangpahrang Caṭialtu le tlangbawi ngan kha an hung i Bawipa inn chungah an hmuhmi tangka cu an rel i sawngkhoi in an beo hna.

2 SIANGPAHRANG 2:17

Sihmanhsehlaw annih nih amah cu a ning a zah tiang an nawl tikah, anih nih, “Thlah hna u,” a ti. Cucaah mi sawm nga an thlah hna; cun ni thum chung amah cu an kawl, sihmanhsehlaw an hmu lo.

2 SIANGPAHRANG 5:16

Sihmanhsehlaw anih nih, “A rian ka ṭuanmi Bawipa a nun bangin, zeihmanh ka cohlang lai lo,” tiah a ti. Cun lak awkah a nawl len nain a duh lo.

2 SIANGPAHRANG 5:5

Cun Siria siangpahrang nih khan, “Va kal law, Israel siangpahrang cu ca ka kuat lai,” tiah a ti. Cucaah a kal i ngun talen pahra, sui shekel thong ruk he puai puan zun hra aa phorh.

2 SIANGPAHRANG 6:3

Cun annih lak i pakhat nih, “Na sal hna kan sinah hin kal ve ko,” tiah a ti i, “Ka kal lai,” tiah a leh.

ISAIAH 30:6

Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, ṭih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho ṭung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.

LUKA 11:54

zei maw ti tal in bia a chim sualmi a um kho in a chim sualmi lila ah cun kan tlai kho hnga maw tiin thil tampi kong ah bia an hal lengmang.