2 SIANGPAHRANG 5:22 - Lai (Hakha) Common Language Bible 2006

²² Cun anih nih, “A ṭha dih. Ka bawipa nih keimah cu, ‘Efraim tlangram in ka sinah profet fapa hna chung khan tlangval pahnih, tu naite ah khan an ra; annih cu ngun talen pakhat le puai puan zun hnih rak pe hna, tiah kan nawl,’ ti in chim awkah a ka thlah,” tiah a ti.

2 SIANGPAHRANG 5:22 ပူးပေါင်းရင်းမြစ်များ

1 SIANGPAHRANG 13:18

Cun anih nih amah cu a thawh i, “Keimah zong hi nangmah bantukin profet ka si ve, Bawipa bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi ṭhan,’ a ti cu,” tiah a ti. Sihmanhsehlaw amah cu lih a chimh a si.

1 SIANGPAHRANG 20:35

Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.

1 SIANGPAHRANG 20:39

Cun siangpahrang cu a lanhpah ah khin siangpahrang cu a hei auh i, “Na salpa hi raltuknak hmunpi ah ka va kal i, zohhmanh, ralkap pakhat cu ka sinah a ra i mipa pakhat a rak put i, ‘Hi mipa hi zohkhenh tuah; zei maw tiin a loh sual a si ahcun, na nunnak cu a nunnak caah a si lai, asiloah, ngun talen pakhat na liam lai,’ a ti.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

2 SIANGPAHRANG 2:3

Cun profet fapa hna, Bethel i a ummi kha Elisha sinah cun an ra chuak i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si, ka hngalh; dai tein um ko u,” tiah a ti.

2 SIANGPAHRANG 2:5

Cun profet fapa hna Jeriko i a ummi kha Elisha pawngah cun an ra i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si ka hngalh; dai tein um ko u,” tiah a leh hna.

2 SIANGPAHRANG 2:7

Profet fapa hna chung khan sawm nga an kal ve i Jordan tiva pawng i an pahnih in an dir lioah khan lamhla nawn in an dir.

2 SIANGPAHRANG 4:26

amah don awkah va tli ta duak law amah cu, Na dam maw? Na va a dam maw? Na fa a dam maw? va ti tuah,” tiah a ti. Cun anih nih, “Ka dam ko,” tiah a rak leh.

2 SIANGPAHRANG 5:21

Cucaah Gehazi nih Naaman cu a zulh. Cun Naaman nih, mi zeimaw nih a ka dawi ti kha a hmuh tikah, amah ton awkah cun a rangleng in a ṭum i, “Zeizong a ṭha dih maw?” tiah a ti.

2 SIANGPAHRANG 5:25

Amah cu a vung lut i a bawipa hmaika ah khan a dir i Elisha nih amah cu, “Khuazei ah dah na si, Gehazi?” tiah a ti. Anih nih, “Na salpa cu khuazei hmanh ah ka kal lo,” tiah a ti.

2 SIANGPAHRANG 5:5

Cun Siria siangpahrang nih khan, “Va kal law, Israel siangpahrang cu ca ka kuat lai,” tiah a ti. Cucaah a kal i ngun talen pahra, sui shekel thong ruk he puai puan zun hra aa phorh.

ISAIAH 59:3

Lih nan chim, nan puar i lai nan nawn.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

JEREMIAH 9:5

An hawikom kha lentecelhnak ah an hman hna i Biatak kha an chim bal lo; An lei kha lihchim an cawnpiak hna. An sualnak chungah thuk piin an um i an kir kho ti lo.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

JOSHUA 24:33

Cun Aaron fapa Eleazar zong a thi i amah fapa Phinehas nih Efraim tlangram chung i a comi Gibeah khua ah an vui.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIACEIHTU 14:12

Cun Samson nih annih cu, “Biahleng pakhat kan hal tuah hna lai; cun zei a si kha puai chung ni sarih chungah hin nan ka chimh khawh i nan hngalh khawh ahcun puan hmangṭhia zun sawm thum le puai puan zun sawm thum kan pek hna lai;