2 SIANGPAHRANG 5:20 - Lai (Hakha) Common Language Bible 2006

²⁰ Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

2 SIANGPAHRANG 5:20 ပူးပေါင်းရင်းမြစ်များ

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

2 SIANGPAHRANG 13:19

Cun Pathian mi cu a cungah a thin a hung i, “Voi nga, voi ruk in pei na tuk awk a si cu, cu ti na tuah ahcun Siria mi cu an dongh cikcek hlantiang na tei hna hnga, sihmanhsehlaw atu cu Siria mi kha voi thum tiang lawng na tei hna lai,” tiah a ti.

2 SIANGPAHRANG 4:12

khika ah aa din. Cun a sinum Gehazi kha a thawh i, “Hi Shunam nu hi va au tuah,’ tiah a ti. A va auh tikah a hmaika ah a ra dir.

2 SIANGPAHRANG 4:25

Cuticun aa thawh i Karmel Tlang ah Pathian mi sin kha a phan. Pathian mi nih a rat kha a rak hmuh tikah a sinum Gehazi cu a thawh i, “Zohhmanh, khika i Shunam minu khi;

2 SIANGPAHRANG 4:31

Gehazi cu a rak kal chung i ṭhiangṭhunh cu ngakchia hmai cungah khan a rak chiah, sihmanhsehlaw nunnak thawng siseh, nunnak hmelchunhnak siseh, zeihmanh a um lo. Cucaah amah kha ton awkah a kir ṭhan i amah cu, “Ngakchia cu aa hlau lo,” tiah a chimh.

2 SIANGPAHRANG 4:36

Khi tikah Gehazi kha a auh i, “Shunam minu kha hei ko tuah,” tiah a ti. Cucaah a hei kawh. Cun a rung luh tikah, “Na fapa cu i lak tuah,” tiah a rak ti.

2 SIANGPAHRANG 5:16

Sihmanhsehlaw anih nih, “A rian ka ṭuanmi Bawipa a nun bangin, zeihmanh ka cohlang lai lo,” tiah a ti. Cun lak awkah a nawl len nain a duh lo.

2 SIANGPAHRANG 5:21

Cucaah Gehazi nih Naaman cu a zulh. Cun Naaman nih, mi zeimaw nih a ka dawi ti kha a hmuh tikah, amah ton awkah cun a rangleng in a ṭum i, “Zeizong a ṭha dih maw?” tiah a ti.

2 SIANGPAHRANG 6:31

Cun anih nih, “Shafat fapa Elisha kha nihin ah hin a liang cungah a lu kha a taan rih a si ahcun, Pathian nih cu bantukin le cu nak tam deuh zongin ka cungah tuah ko seh,” tiah a ti.

2 SIANGPAHRANG 8:4

Siangpahrang cu Pathian mi sinum Gehazi he khan bia an rak i ruah i, “Elisha nih thil lianngan a tuahmi vialte ka chim tuah,” ti i a rak ti lio kha a si.

2 SIANGPAHRANG 8:7

Elisha cu Damaskas khua ah a kal. Siria siangpahrang Benhadad cu a zaw i, “Pathian mi cu hika ah a ra,” tiah an chimh tikah,

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

EXODUS 20:17

“Nan innpa inn kha nan mit a thi lai lo. A nupi siseh, a salpa siseh, a salnu siseh, a cawtum siseh, a laa siseh, a ngeihmi thil paohpaoh si hna seh, nan mit a thi lai lo,” a ti.

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

PHUNGTHLÛKBIA 26:16

Fim tein bia lehnak a chim khomi minung pasarih nakin, Mithathu cu amah aa ruahnak ahcun a fim deuh.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

HABAKKUK 2:9

Rawk ding nan si ko cang! Hranhram in mi nan va chuhmi hna thil khan nan innchungkhar nan rumter i harnak le ṭihnung nih phak khawh lo dingin him tein nan tuah!

MATTHAI 10:4

cun Phunṭanh Simon le Jesuh rawitu Judas Iskariot.

MATTHAI 26:9

Hi zihmui hi tangka tampi ah zuar i tangka cu misifak hna kha pek khawh ding a si ṭung,” an ti.

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 16:8

Cu thil zohkhenhtu mihrokhrawlpa cu a bawipa nih khan cu bantukin fim ngaiin thil a ti caah a thangṭhat; zeicahtiah hi vawlei cung mi hna hi an thil tining ah ceunak mi hna nakin an fim deuh,” tiah a ti.

JOHAN 13:2

Jesuh le a zultu hna cu zanriah an dum i Khuachia nih khan Simon Iskariot fapa Judas lung chungah khan Jesuh rawinak ding ruahnak cu a rak khumh cang.

JOHAN 6:70

Jesuh nih cun a thawh hna i, “Nannih pahleihnih hi keimah nih kan thim hna lo mei? Asinain pakhat cu khuachia nan si ai!” a ti.

LAMKALTU 5:2

a nupi theih tein a man tangka a cheu cu an i chiah i a cheu cu lamkaltu hna sinah khan an rak put.

2TIMOTE 4:10

Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal.

TITAS 1:7

Khrihfabu hruaitu cu Pathian rian ṭuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo.

1 PETER 5:2

Pathian nih an pekmi hna tuurun a khaltu kha si u law Pathian nih zohkhenh hna seh ti an duh hna bantukin lungtho lo si loin lungtho tein zohkhenh hna u. Ṭuan man hmuh ding men ah si loin ṭuan nan duh taktak ruang tu ah nan rian kha ṭuan u.

1 SAMUEL 14:39

Zeitintiah Israel a khamhtu Bawipa nih a nun bangin, ka fapa Jonathan chungah a um a si hmanh ah, a thi hrimhrim lai,” tiah a ti. Sihmanhsehlaw mi vialte lakah cun amah a hun lettu pakhat hmanh an um lo.