2 SIANGPAHRANG 5:13 - Lai (Hakha) Common Language Bible 2006

¹³ Sihmanhsehlaw a sinum hna nih khan an va naih i, “Ka pa, profet nih khan thil ngan pakhatkhat tuah in fial seh law tuah loin maw na um hnga? A si kun ahcun, ‘Va kholh law va thiang; an ti tikah hin, zeitluk in dah tuah chinchin awk a si,” tiah an ti.

2 SIANGPAHRANG 5:13 ပူးပေါင်းရင်းမြစ်များ

GENESIS 41:43

Siangpahrang rangleng pahnihnak ah khan a citter i a cawngtu hna kha a hmai in an kal i, “Lam kian u,” tiah an au. Cuticun Josef cu Izipt ram vialte uktu bawi ah khan ser a si.

1 SIANGPAHRANG 20:23

Cun Siria siangpahrang cu a sinum hna nih an thawh i, “Annih an pathian cu tlang pathian an si, cucaah kannih nakin an ṭhawng deuh; sihmanhsehlaw rawn ah do hna u si law, annih nakin kan ṭhawng deuh hrimhrim lai.

1 SIANGPAHRANG 20:31

Cun a sinum hna nih amah cu an thawh i, “Zohhmanh, Israel chungkhar siangpahrang hna cu zaangfah thiammi siangpahrang an si tiah kan theih; cucaah kan tai ah puanchia i venh in kan lu ah hrihrual i ngerh u si law, Israel siangpahrang sinah cun va kal hnik u sih; na nunnak a hei in zuah ko hnga dah kaw,” tiah an ti.

2 SIANGPAHRANG 13:14

Elisha cu a thihpi hnga ding zawtnak in a zawt tikah, Israel siangpahrang Jehoash cu a vung kal i a hmaiah a ṭap i, “Ka pa, ka pa! Israel mi rangleng hna le rangcung ralkap hna khing!” tiah a ti.

2 SIANGPAHRANG 2:12

Cun Elisha nih khan mah cucu a hmuh i, “Ka pa, ka pa! Israel mi rangleng hna le rang cung ralkap hna khing,” tiah a au. Cun cu hnu cu amah kha a hmu ti lo. Khi tikah amah a puan kha aa tlaih hna i cheu hnih ah a cheu hna.

2 SIANGPAHRANG 5:10

Cun Elisha nih cun a sinah lamkal pakhat a hei thlah i, “Va kal law Jordan tiva ah voi sarih in vaa kholh, cun na titsa cu a dam lai i na thiang lai,” tiah a ti.

2 SIANGPAHRANG 5:3

Cun a bawinu sinah cun, “Samaria i a ummi profet sinah ka bawipa hi va kal seh law ka hei duh dah! A thinghmui zawtnak hi a hei damh ko hnga,” tiah a ti.

2 SIANGPAHRANG 6:21

Israel siangpahrang nih khan a hmuh tik hna ah Elisha sinah cun, “Ka pa, ka thah hna lai maw? Ka thah hna lai maw? tiah a ti.

2 SIANGPAHRANG 8:9

Cucaah Hazael cu amah don awkah khan a kal i laksawng, Damaskas thilri a phun phun, kalauk sawm li phor aa phorh. Cun a phak i a hmai i a dir tikah khan, “Na fapa Benhadad, Siria siangpahrang nih keimah cu nangmah sinah a ka thlah i, ‘Hi zawtnak hin ka dam ṭhan lai maw?’ a ti,” tiah a ti.

SALM 51:2

Ka ṭhat lonak cu ka ṭawlpiak hna law ka sualnak cu ka thianhpiak ko hna.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

ISAIAH 1:16

Thiang tein i kholh u. Nan tuah lengmang ka hmuhmi ṭhat lonak hi ngol hna u. Ṭhat lonak cu tuah ti hna hlah u law

MALAKHI 1:6

Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

MATTHAI 23:9

Cun vawlei cungah hin ahohmanh, “Ka Pa,” tiah va ti hna hlah u, zeicahtiah Pa cu pakhat lawnglawng nan ngei i amah cu vancung khua i a ummi a si.

JOHAN 13:8

Peter nih cun, “Ka ke cu na ka ṭawl bal hnga lo,” tiah a ti. Jesuh nih cun, “Na ke kan ṭawl lo ahcun, a ka zultu na si ti hnga lo pei,” tiah a leh.

JOHAN 9:7

“Va kal law Siloam Tidil ah na hmai vaa phiah,” tiah a ti. (Siloam sullam cu Thlah ti a si). Cucaah mipa cu a va kal i a hmai cu a va phiah i khua hmu in a rak kir.

LAMKALTU 22:16

Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

1 KORIN 1:27

Vawlei nih zeihmanh ah a rel lomi thil Pathian nih a thim thengnak cu, mifim mi kha an ningzak seh tinak caah a si i vawlei nih a der tiah a timi thil a thim thengnak cu miṭhawng mi le thil ti khomi hna kha an ningzak seh ti caah a si.

1 KORIN 4:15

Zeicahtiah Khrih chung i nan nunning ah hin zohkhenhtu cu thong hra hmanh ngei hna u law pa cu pakhat lawnglawng nan ngei. Thawngṭha nan sin i ka ratpi thawngin Khrih Jesuh chung i nan nunnak ah hin keimah hi nan pa cu ka si ko.

TITAS 3:5

cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.

1 SAMUEL 28:23

Sihmanhsehlaw a al i, “Ka ei lai lo,” tiah a ti. Sihmanhsehlaw a sinum hna nih khan, minu he cun, an hnek peng i an bia kha a ngaih hna. Cucaah vawlei khan a tho i ihkhun cungah a ṭhu.

1 SAMUEL 9:10

Cun Saul nih a sinum sinah cun, “Na bia a ṭha, ra, kal u sih,” tiah a ti. Cucaah Pathian mi a umnak khua ah khan an va kal.