2 SIANGPAHRANG 5:12 - Lai (Hakha) Common Language Bible 2006

¹² Damaskas tiva Abana le Pharpar cu Israel ram ti vialte nakin an ṭha deuh lo maw? Cu tiva hna chungah cun kaa kholh in kaa thianh kho lo maw?” tiah a ti. Cucaah aa mer i thin hung ngaingai in a kal.

2 SIANGPAHRANG 5:12 ပူးပေါင်းရင်းမြစ်များ

2 SIANGPAHRANG 2:14

Cun a rung tlami Elijah puan kha aa lak i ti kha a tuk i, “Bawipa, Elijah i Pathian cu khuazei ah dah a um?” tiah a ti. Cun ti kha a tuk tikah, ti cu a sumlei le a hnalei ah an i ṭhen i Elisha cu va ral ah a kai.

2 SIANGPAHRANG 2:8

Cun Elijah nih a puan kha aa lak i a zual i ti kha a tuk i an pahnih in lei ro cungin an va kai hlan tiang, ti cu khattelei kam le khattelei kamah an i ṭhen.

2 SIANGPAHRANG 5:11

Sihmanhsehlaw Naaman cu a thin a hung i a kal i, “Zohhmanh, ka sinah a hung chuak lai i pei a dir lai i a Pathian Bawipa min kha a auh lai i ka thinghmui zawtnak zawn ah khan a kut a zao lai i mithinghmui hi a ka damter lai, tiah ka ruah.

2 SIANGPAHRANG 5:17

Khi tikah Naaman nih, “A si lo ahcun, na sal hi vawlei laa pahnih phor ka pe tuah, tiah kan nawl; zeitintiah hmailei ah cun Bawipa sinah dah ti lo ahcun na sal nih hin zei pathian sin hmanh ah khangh thawinak siseh, raithawinak siseh, ka pechan lai lo.

PHUNGTHLÛKBIA 14:17

Mi thin tawi nih cun thil hrut kha an tuah tawn, sihmanhsehlaw mifim deuhmi cu an lung a sau.

PHUNGTHLÛKBIA 16:32

Thinhun leiah a khul a nuarmi cu thazang a ṭhawngmi nakin a ṭha deuh. A lungthin aa uk khomi cu khuapi a latu nakin a ṭha deuh.

PHUNGTHLÛKBIA 19:11

Lungsau thinfual hi fim a si, Palhnak i hmaimilh cio hi minung sunparnak a si.

SOLOMON HLA 4:8

Kal u si law ka thaisung nu aw, Lebanon tlang le maw Lebanon tlangpar in, Kaltak ko hna Amana tlang hna le Senir tlang, Hermon tupi chiandeih umnak le pawlai keiṭial sahrang umnak cu.

JEREMIAH 49:23

Damaskas kong ah Bawipa nih a chimmi bia: Hamath le Arpad cu thawng ṭhalo an theih caah an hnabei a dong; A dai kho lomi rili bantukin an khuaruah a har caah an i let lengmang ko.

ZEKHARIAH 13:1

Khi ni ah cun David tefa hna le Jerusalem khuami hna cu an sualnak le an thurnak vialte tlenghnak caah cerhti pakhat a put lai.

ZEKHARIAH 14:8

Khi ni ah cun Jerusalem in ti nung a chuak lai i a cheu cu nichuahlei rili ah a luang lai i a cheu cu nitlaklei rili ah a luang lai; ṭhal le khuasik i dang loin a luang lai.

MARKA 1:9

Cu hnu tlawmpal ah cun Jesuh cu Galilee ram Nazareth khua khan a ra i Johan nih khan Jordan tiva ah cun tipilnak kha a pek.