2 SIANGPAHRANG 4:9 - Lai (Hakha) Common Language Bible 2006

⁹ Cun minu nih a va cu a thawh i, “Zohhmanh, a kan palpah tawntupa hi Pathian mi thiang a si ti kha ka hngalh.

2 SIANGPAHRANG 4:9 ပူးပေါင်းရင်းမြစ်များ

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

1 SIANGPAHRANG 17:24

Cun minu nih Elijah cu a thawh i, “Atu cu nangmah cu Pathian mi na si ti kha ka hngalh i na kaa chung i a ummi Bawipa bia cu biatak a si,” tiah a ti.

2 SIANGPAHRANG 4:7

A ra i Pathian mi kha a chimh i anih nih, “Va kal law, chiti kha va zuar law na leiba kha va cham, cun a tang rihmi khan nangmah le na fapa hna cu khua va sa u,” tiah a rak ti.

2 CHANRELNAK 25:7

Sihmanhsehlaw Pathian mi pakhat a sinah a ra i, “Maw siangpahrang, Israel ralkapbu cu na sinah kalter hna hlah, zeicahtiah Israel mi, hi Efraim mi vialte hna sinah hin Bawipa a um lo.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

DEUTERONOMI 33:1

Hi thluachuahnak hi Pathian mi Moses nih a thih hlanah Israel fale thluachuah a pek hnanak cu a si.

1THESALON 2:10

Kan tehte cu nanmah kha nan si i cu bantukin Pathian zong a si ve. Nannih a zummi hna cung i kan ziaza cu a thiangmi le ahmaanmi le palhnak zeihmanh a um lomi a si.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

TITAS 1:8

Khualtlung a dawmi a si lai i thil ṭha a duhmi a si lai. Amah le amah aa uk khomi, a dingmi, a thiangmi le aa sum khomi a si lai.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.