2 SIANGPAHRANG 4:31 - Lai (Hakha) Common Language Bible 2006

³¹ Gehazi cu a rak kal chung i ṭhiangṭhunh cu ngakchia hmai cungah khan a rak chiah, sihmanhsehlaw nunnak thawng siseh, nunnak hmelchunhnak siseh, zeihmanh a um lo. Cucaah amah kha ton awkah a kir ṭhan i amah cu, “Ngakchia cu aa hlau lo,” tiah a chimh.

2 SIANGPAHRANG 4:31 ပူးပေါင်းရင်းမြစ်များ

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

1 SIANGPAHRANG 18:29

Cun ni cu a run i mer i thlet thawinak caan tiang an au cuahmah ko, sihmanhsehlaw zei aw hmanh a um lo; zeihmanh nih a let hna lo, ahohmanh nih zei ah a rel hna lo.

2 SIANGPAHRANG 4:32

Elisha cu inn chungah a rung luh tikah, ngakchia cu a thi cia in a ihkhun i a rak ih ko kha a hmuh.

2 SIANGPAHRANG 5:20

Pathian mi Elisha i a sinum Gehazi nih khan, “Zohhmanh, ka bawipa nih Siria mi Naaman cu, a rak i phorhmi laksawng cohlang loin fawi tuk in a luatter cang. Bawipa a nun bangin, a hnu in ka hei dawi lai i amah sinin zeilo tetal ka va lak tuah lai,” tiah a ti.

2 SIANGPAHRANG 8:1

Cun Elisha nih a fapa a rak nunter ṭhanmi minu sinah khan, “Tho law, na innchungkhar dihlak he kal u law, na pem khawhnak paoh ah va pem; zeicahtiah Bawipa nih mangṭam kha a kawh cang i hi ram cungah hin kum sarih chung a tla lai,” tiah a ti.

JOB 14:12

Minung cu a it i a tho ṭhan ti lo, Van hna khi an um ti lo hlan lo cu aa ṭhang lai lo. Mi cu a thih ahcun a nung ṭhan kho lai maw? Aa hngilhnak in aa hlau bal ti lai lo.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

MARKA 5:39

A vung lut i, “Zeicahdah hitihin nan i tuai len ko? Zeicahdah nan ṭah len ko? Ngakchia cu a thih ṭung lo, aa hngilh i pei a si ko cu,” tiah a ti.

JOHAN 11:11

‘Kan hawi Lazaruh kha aa hngilh cang, sihmanhsehlaw ka va kal lai i ka va thawh lai,” a ti.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

1 SAMUEL 14:37

Cun Saul nih Pathian cu a hal i, “Filistin mi cu ka vung dawi hna lai maw? Annih cu Israel mi hna kut chungah na pe hna lai maw?” tiah a ti. Sihmanhsehlaw khi ni ah cun amah cu a let lo.

1 SAMUEL 28:6

Cun Saul nih Bawipa kha a hal tikah Bawipa nih mang in siseh, Urim in siseh, profet hna in siseh, a let lo.