2 SIANGPAHRANG 4:26 - Lai (Hakha) Common Language Bible 2006

²⁶ amah don awkah va tli ta duak law amah cu, Na dam maw? Na va a dam maw? Na fa a dam maw? va ti tuah,” tiah a ti. Cun anih nih, “Ka dam ko,” tiah a rak leh.

2 SIANGPAHRANG 4:26 ပူးပေါင်းရင်းမြစ်များ

GENESIS 29:6

“A dam tah a dam maw?” tiah a hal hna i, “A dam ko. Zohhmanh, a fanu Rachel kha a tuurun he an ra khih,” tiah an leh.

GENESIS 37:14

A pa nih cun a thawh i, “Va kal law na ule kha an dam dam lo va zoh hna law saṭil zong cu an i nincan le nincan lo va zoh hna; cun bia rak ka phorh te,” a ti. Cuticun a pa nih khan Hebron nelrawn khan a thlah. Shekhem kha a va phak tikah

GENESIS 43:27

An dam dam lo kha a hal hna i, “A kong nan ka chimhmi nan pa patar kha zeitindah a um? A nung rih maw? A dam ko maw?” a ti.

2 SAMUEL 18:29

Cun siangpahrang nih cun, “Tlangval Absalom cu a dam maw?” tiah a ti. Ahimaaz nih, “Joab nih na sal hi a ka thlah lioah cun thil aa tuai ur ko kha ka hmuh i sihmanhsehlaw zei a si cu ka hngal lo,” tiah a ti.

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

2 SIANGPAHRANG 4:25

Cuticun aa thawh i Karmel Tlang ah Pathian mi sin kha a phan. Pathian mi nih a rat kha a rak hmuh tikah a sinum Gehazi cu a thawh i, “Zohhmanh, khika i Shunam minu khi;

2 SIANGPAHRANG 4:27

Cun tlang cungah Pathian mi sin kha a phak tikah, a ke kha aa tlaih. Cun amah cu namhlo awkah Gehazi cu a ra. Sihmanhsehlaw Pathian mi nih cun, “Um ko seh, zeitintiah amah cu a lungre a thei ngaingai; hi kong cu Bawipa nih ka sinin a thuh rih i a ka chim rih lo,” tiah a ti.

2 SIANGPAHRANG 5:22

Cun anih nih, “A ṭha dih. Ka bawipa nih keimah cu, ‘Efraim tlangram in ka sinah profet fapa hna chung khan tlangval pahnih, tu naite ah khan an ra; annih cu ngun talen pakhat le puai puan zun hnih rak pe hna, tiah kan nawl,’ ti in chim awkah a ka thlah,” tiah a ti.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

LAMKALTU 15:36

Cu hnu caan tlawmpal ah khin Paul nih Barnabas cu a thawh i, “Va kal ṭhan u si law Bawipa kong kan chimnak khua paoh ah khan kan unau hna kha va tlawng ṭhan hna u si law zeitindah an um ti kha va zoh hna u sih,” tiah a ti.

1 SAMUEL 17:18

cun annih an thong khat haotu caah cawhnuk khal tlang hra hi i phorh fawn. Na ule kha zeitindah an um va zoh hna law, annih sinin hmelchunhnak pakhatkhat rak phor te,” a ti.

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.