2 SIANGPAHRANG 4:23 - Lai (Hakha) Common Language Bible 2006

²³ Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

2 SIANGPAHRANG 4:23 ပူးပေါင်းရင်းမြစ်များ

2 SIANGPAHRANG 4:22

A va kha a auh i, “Pathian mi sinah khan khulrang tein ka va kal i ka ra kir ṭhan nakhnga sinum pakhat le laa pakhat in rak ka kua,” tiah a ti.

2 SIANGPAHRANG 4:24

Khi tikah laa kha a danh i a sinum cu, “Saṭil kha hnawh law, keimah nih kan chimh lo ahcun, a kal ning kha ka fumhpiak hrim hlah,” tiah a ti.

1 CHANRELNAK 23:31

cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai.

AMOS 8:5

nannih nih nan i thawh i, ‘Zeitik ah dah thla thar puai cu a dih lai i kan rawl cu kan zuar lai? Zeitik ah dah sabbath cu a dih lai i kan changvut kha zuar awkah kan chuah lai,’ nan ti. Cun ephah kha hmetter deuh u sih law shekel kha nganter deuh u sih; cun cuailung kha zanter deuh u sih;

NAMBAR 10:10

Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.

NAMBAR 28:11

“Cun nan thla a det tik paoh ah Bawipa sinah khangh thawinak nan pekchanh lai: cawtum no pahnih, tuukawng pakhat, kum khat a timi tuufa dotla a pa pasarih:

NAMBAR 28:9

“Sabbath ni ah kum khat a timi tuufa dotla a pa pahnih le changvut thawinak caah chiti he cawhmi changvut dip ephah cheu hra cheu hnih le a thlet thawinak:

1 SAMUEL 20:5

David nih Jonathan cu, “Zohhmanh, thaizing cu thla thar a si i siangpahrang sin i cabuai i ṭhut kha ka tlolh awk a si lo; sihmanhsehlaw a ni thumnak zanlei tiangin lo lakah kaa thuhnak hnga ka kalter tuah.