2 SIANGPAHRANG 3:7 - Lai (Hakha) Common Language Bible 2006

⁷ Cun a kal i Judah siangpahrang Jehoshafat kha bia a cah i, “Moab siangpahrang nih a ka doh; Moab doh awkah ral tuknak hmun ah na ka kalpi lai maw?” tiah a ti. Cun anih nih, “Kan kalpi lai; keimah le nangmah cu pum khat kan si, ka mi cu na mi an si ve ko i ka rangtum hna cu na rangtum an si ve ko,” tiah a ti.

2 SIANGPAHRANG 3:7 ပူးပေါင်းရင်းမြစ်များ

1 SIANGPAHRANG 22:4

Cun Jehoshafat cu a thawh i, “Ramoth-gilead i vaa tuk awkah na ka kalpi hnga maw?” tiah a ti. Cun Jehoshafat nih Israel siangpahrang cu a thawh i, “Kei le nang cu mi khat kan si ko, ka mi cu na mi an si ve ko i ka rang cu na rang an si ve ko,” tiah a ti.

2 SIANGPAHRANG 13:20

Cuticun Elisha cu a thi i an vui. Moab mi bu hna nih ṭhal caan ah hin ram cu an hung chim tawn.

2 SIANGPAHRANG 3:6

Cucaah cu caan ah cun Siangpahrang Joram cu Samaria in a chuak i Israel mi vialte kha a pumh hna.

2 SIANGPAHRANG 3:8

Cun amah nih cun a thawh i, “Khuazeilei lam in dah kan kal lai?” tiah a ti. Joram nih, “Edom ramlak lei lam in,” tiah a leh.

2 SIANGPAHRANG 3:9

Cucaah Israel siangpahrang cu Judah siangpahrang le Edom siangpahrang he tiah an kal. Cun annih nih aa vel in ni sarih an kal tikah ralkap caah siseh, anmah a zultu saṭil hna caah siseh ti a um lo.

2 CHANRELNAK 18:3

Israel siangpahrang Ahab nih cun Judah siangpahrang Jehoshafat cu a thawh i, “Ramoth-gilead ah na hun ka kalpi hnga maw?” tiah a ti. “Kei le nang hi mi khat kan si ko, ka mi cu na mi an si ve ko. Raldohnak ah cun na sinah kan si lai,” tiah amah cu a leh.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.