2 SIANGPAHRANG 3:4 - Lai (Hakha) Common Language Bible 2006

⁴ Moab siangpahrang Mesha cu tuu zua a si i Israel siangpahrang cu kum fate in tuufa sing khat le tuukawng sing khat hmul a pek lengmang awk a si.

2 SIANGPAHRANG 3:4 ပူးပေါင်းရင်းမြစ်များ

GENESIS 13:2

Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei.

2 SAMUEL 8:2

Cun Moab kha a tei i tahnak hri in a tah hna i vawlei ah a ihter hna; tlang hnih cu thah awkin a tah i tlang khat cu pum tein zuah awkin a tah. Cun Moab mi cu David sal ah an cang i David sinah khan ngunkhuai an thawh.

2 SAMUEL 8:6

Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

1 CHANRELNAK 18:2

Cun Moab kha a tei, Moab mi hna cu David sal ah an cang i ngunkhuai an pek.

2 CHANRELNAK 26:10

Cun chimram le nelrawn ah khan saṭil run tampi a ngeih caah ramlak ah khan innsang a sak hna i tikhor tampi a cawh hna, cun lothlawh a duh ngaingaimi a si caah tlangram le vawlei ṭhatnak hmun ah khan lothlo le mitsur nengtu kha a chiah hna.

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

SALM 60:8

Sihmanhsehlaw Moab cu ka kut ṭawlnak kheng ah ka hman lai i Edom cu ka kedan chiahnak kuang ah ka hman lai. Filistin nih hin, amah cu ka tei lai i ka au lai, tiin aa ruah dahra?” a ti.