2 SIANGPAHRANG 3:2 - Lai (Hakha) Common Language Bible 2006

² Bawipa mithmuh ah thil ṭhalo kha a tuah, sihmanhsehlaw a nu le a pa bantuk kha cu a si lo, zeicahtiah a pa nih a rak sermi Baal lungphun kha a hlonh.

2 SIANGPAHRANG 3:2 ပူးပေါင်းရင်းမြစ်များ

1 SIANGPAHRANG 16:19

mah cucu amah nih a tuahmi sualnak le Bawipa mithmuh i ṭhat lonak a tuahmi le Jeroboam lam a zulhnak le Israel mi a sualter hna ruangah khan a si.

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

2 SIANGPAHRANG 10:18

Khi tikah Jehu nih mi vialte kha a pumh hna i annih cu, “Ahab nih Baal cu tlawmte lawng a rian a ṭuan; sihmanhsehlaw Jehu nih cun tampi in a ṭuan lai.

2 SIANGPAHRANG 21:20

A pa Manasseh nih a rak tuah bangkhan Bawipa mithmuh i thil ṭhalo kha a tuah ve.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

2 SIANGPAHRANG 9:22

Cun Joram nih Jehu kha a hmuh tikah, “Daihnak a si maw, Jehu?” tiah a ti. Anih nih, “Na nu Jezebel hlawhhlannak le eih hmannak liangluang hi an um rih chungah hin, zei daihnak cu dah a um kho lai?” tiah a ti.

2 SIANGPAHRANG 9:34

Cun a lut i a ei a ding i, “Hi chiatserhmi nu hi zohhmanh u, amah cu siangpahrang fanu a si caah va vui u,” tiah a ti.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

1 SAMUEL 15:19

A si kun ahcun, zeicahdah Bawipa aw cu na zulh lo? Zeicahdah hranchaw kha na zuanhnawh i Bawipa hmai i thil ṭhalo kha na tuah?” tiah a ti.