2 SIANGPAHRANG 3:17 - Lai (Hakha) Common Language Bible 2006

¹⁷ Zeitintiah Bawipa nih hi bangin, ‘Nannih nih thli siseh ruah siseh nan hmu lai lo, sihmanhsehlaw kha tiva cu ti a khat lai i cucaah nannih nih, nanmah he nan caw he nan saṭil he nan din lai,’ a ti.

2 SIANGPAHRANG 3:17 ပူးပေါင်းရင်းမြစ်များ

2 SIANGPAHRANG 3:16

Cun amah nih cun, “Hi bangin Bawipa nih, ‘Hi a carmi tiva kuang hi tili in ka khahter lai,’ a ti.

SALM 107:35

Thetse ram kha tili ah a canter hna i ramcar kha cerhti put ah a canter hna.

SALM 84:6

A ro a carmi nelrawn kha an tan tikah cerhti put tamnak hmun ah a cang; ruahter nih khan tidil in a khahter.

EXODUS 17:6

Horeb tlang lungpi cungah khan na hmaiah ka rak dir lai. Lungpi cu na tuk lai i mi zapi din awkah ti a chuak lai,” a ti. Moses nih Israel mi hruaitu pawl hmaiah cun cu bantuk cun a tuah.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.